နိဗ္ဗာန် ယာဉ်လိုင်း ထောင်လိုက်ပါလားလှိုင်ထိပ်ထားရယ် အဲ့ဒါဆို ဗုဒ္ဓဘာသာ သီးသန့် ဖြစ်သွားတာပေါ့

လှိုင်ထိပ်ထား ဆိုတဲ့ကားဂိတ်(မော်တော်ယာဉ်လိုင်း)ရဲ့ ကြော်ငြာဆောင်ပုဒ်ဖတ်လိုက်ရတယ်။ ဘာသာတရားတစ်ခုကို အသားလွတ်စော်ကားပုတ်ခတ်ထားတဲ့စကားရပ်တွေ အမုန်းတရားတွေ ပြည့်နှက်နေတာ တွေ့ရတယ်။ သက်ဆိုင်ရာ အာဏာပိုင်တွေကလည်း ဒါမျိုးတွေကို သိသိကြီးနဲ့ အရေးမယူဘဲနေတော့ အစွန်းရောက်တွေက ပိုဆိုးလာတော့တာ…
“ မျက်နှာသာပေး ရွှေရေးပန်းကန်တက်” ဆိုတာ ဒါမျိုးပေါ့။ တကယ်တော့ စီးပွားရေးသဘောဆောင်တဲ့ လုပ်ရပ်မဟုတ်ဘဲ ပစ္စည်းမဲ့ဒေါသကိုအခြေခံတဲ့ အစွန်းရောက်လုပ်ရပ်တစ်ခုပါ။

အောင်မြင်တဲ့ စီးပွားရေးလုပ်ငန်းတိုင်းကိုလေ့လာကြည့်ပါ။ သူတို့ရဲ့ ဝန်ဆောင်မှု၊ ထုတ်ကုန်ပစ္စည်းစသည်တို့ဟာ လူမျိုးဘာသာမရွေး၊ လူတန်းစားမရွေး၊ ယုတ်လတ်မြတ်မရွေး အသုံးပြုခံစားမှသာ အောင်မြင်တဲ့ စီးပွားရေးလုပ်ငန်းဖြစ်လာမှာပါ။ အဲဒီလိုမဟုတ်ဘဲ ခရီးသွားဝန်ဆောင်မှုလုပ်ငန်းတစ်ခုက ဟိုဘာသာဝင်မို့လို့ မတင်ဘူး၊ ဒီဘာသာဝင်မို့လို့ ဘာဖြစ်တယ် ညာဖြစ်တယ် လျှောက်လုပ်ရင် တကယ်အောင်မြင်နိုင်ပါ့မလား။ မိတ်ဆွေတို့ဟာ စီးပွားရေးသမားတွေဖြစ်တယ်ဆိုရင် ဒါမျိုးလေးတွေးကြည့်ကြစမ်းပါ။ တကယ်တော့ ဒါဟာ အင်မတန်မှ သဘောထားကျဉ်းမြောင်းတဲ့ အစွန်းရောက်လုပ်ရပ်တစ်ခုပဲဖြစ်ပါတယ်။

အဲဒီလိုအတွေးအခေါ်မျိုးသားရှိနေရင် အခုလက်ရှိကျင်းပနေတဲ့ SEA GAME ကို ဗုဒ္ဓဘာသာဝင်များသာ ဝင်ရောက်ယှဉ်ပြိုင်ရန်လို့ လုပ်ကြည့်ပါလား။ SEA GAME ဆိုတာ ဖြစ်တောင်လာမှာမဟုတ်ပါဘူး ။
ကျုပ်ပြောတာ မယုံရင် လက်ရှိ SEA GAME မှာ ပါဝင်တဲ့ အစ္စလာမ်ဘာသာဝင် မွတ်စ်လင်မ်ကစားသမား ဦးရေကို သွားလေ့လာကြည့်။ လူတစ်ထောင်ကျော်ရှိတယ်။ အဲဒီလေးပုံတစ်ပုံလောက်ရှိတဲ့ ကစားသမားတွေသာမပါရင် ခင်ဗျားတို့ SEA GAME ဆိုတာ ဘာဖြစ်သွားမလဲ ခင်ဗျားတို့ပဲတွေးကြည့်။

လှိုင်ထိပ်ထားကားဂိတ်ကိုတော့ တစ်ခုတိုက်တွန်းချင်တာက အဲဒီလို ခပ်ညံ့ညံ့အတွေးနဲ့ ရေးချင်တယ် ။ ဘာသာရေးနဲ့စီးပွားရေးကို ရောလုပ်ချင်တယ်ဆိုရင် ဘုရားဖူးဂိတ်သာထောင်လိုက်ပါ။ ခရီးသည်ပို့ဆောင်ရေးလုပ်မနေနဲ့လို့ အကြံပြုလိုက်ပါတယ်။