တိုင်းရင်းသား အစ္စလာမ်သာသနာဝင် ဦးရွှေရိုး ရွှေတလေး ကာတွန်းအနုပညာရှင် ဦးဘကလေး
ဦးဘကလေးဆိုတဲ့ ရွှေတလေး အကြောင်းကို သိရှိဖတ်ရှုခဲ့ရပြီးနောက် အခြားလူငယ်တွေကိုလည်း သူ့ အကြောင်းတွေ သိစေချင်ခဲ့ပါတယ်။ အခုနောက်ပိုင်း စာစောင်တွေ မဂ္ဂဇင်းတွေမှာ ဦးဘကလေးအကြောင်းကို ရေးသားတာ မတွေ့ရ တော့ တတ်နိုင်သလောက် လေ့လာဖတ်ရှု မေးမြန်းပြီး ဦးဘကေလေးအကြောင်း အနည်းငယ်ကိုရေးသားလိုက်ခြင်းပါ။
ကာတွန်းဆရာကြီး ရွှေတလေး၊ ရုပ်ရှင်လူရွှင်တော်ကြီး ဦးရွှေရိုးဆိုတာ ဟိုလွန်ခဲ့တဲ့ နှစ်ပေါင်း(၈၀)ကျော် (၁၀၀) အတွင်းက မြန်မာစာနယ်ဇင်းတွေနဲ့ မြန်မာရုပ်ရှင်လောကမှာ လှုပ်ရှားခဲ့တဲ့ မြန်မာ(တိုင်းရင်းသားအစ္စလာမ်သာသနာဝင်) အနုပညာသည်ကြီးဖြစ်ပါတယ်။
ဦးဘကလေး ကာတွန်းတွေ ဟာ နိုင်ငံရေးကာတွန်း၊ လူမှုရေး စီးပွားရေးကာတွန်း၊ ကြော်ငြာ ကာတွန်းဆိုပြီး အကြမ်းအားဖြင့် (၃)မျိုး (၃)စား တွေ့ရှိရပါ တယ်။ ဦးဘကလေးဟာ ကာတွန်း ဆရာကြီးအပြင် ရုပ်ရှင် နယ်မှာလဲ (၁၀)နှစ်ကျော် ကျင်လည်ကျက်စားပြီး ရုပ်ရှင်ဆိုင်ရာ သဘင်မှုအနုပညာမှာ တီထွင်ဖန်တီးမှုတွေ အများကြီးပြုလုပ် သွားခဲ့ပါတယ်။
မြန်မာနိုင်ငံမှာ စာနယ်ဇင်းတွေ စတင်ပေါ်ပေါက်လာတာနဲ့ တစ်ပြိုင်တည်း ကာတွန်းဆိုတဲ့ အနုပညာတစ်ရပ်လဲ မြန်မာ စာနယ်ဇင်းလောကထဲမှာ ပေါက်ဖွားလာပါတယ်။
ကာတွန်းကို မြန်မာစာပေ လောကအတွင်းရောက်အောင် ဦးဘကလေးက သွတ်သွင်းလာခြင်းဖြစ်ပါတယ်။ ကာတွန်းကို ရွှေတလေးအမည်ခံ ဦးဘကလေးက ၁၉၁၅-ခုနှစ်မှာ စတင်မွေးထုတ်ခဲ့ပါတယ်။
၁၉၂၀-ခုနှစ်မှာ ရုပ်ရှင်ဆိုတဲ့အနုပညာတစ်ရပ် မြန်မာ ပြည်မှာ ပေါက်ဖွားလာတဲ့အခါမှာလည်း ဦးရွှေရိုးကြီးဆိုတဲ့ ရုပ်ရှင်လူရွှင်တော်မင်းသားအဖြစ်နဲ့ မြန်မာရုပ်ရှင်ကြည့် ပရိသတ်ရဲ့ အသည်းစွဲဖြစ်ခဲ့ပြန်ပါတယ်။
ဦးရွှေရိုးကြီးကို စတင်ဖန်တီးခဲ့တာလည်း ဦးကလေးပဲဖြစ်ပါတယ်။
ဦးဘကလေးဟာ ၁၉၁၅-ခုနှစ်ကစပြီး ၁၉၃၉-ခုနှစ် အထိ နှစ်ပေါင်း(၂၀)ကျော် ကာလအတွင်း မြန်မာ့ လူမှုရေး၊ နိုင်ငံရေး တွေကို ကာတွန်းတွေနဲ့ မှတ်တမ်းတင် သွားသလို၊ ဦးရွှေရိုး ဆိုတဲ့ ပျော်ပျော်နေသေခဲ အဘိုးကြီး တစ်ယောက်ကိုလည်း မြန်မာရုပ်ရှင်နဲ့  သဘင်လောကထဲမှာ ဖန်ဆင်းထားခဲ့ပါတယ်။
ဦးဘကလေးရဲ့ကြိုးပမ်းမှုတွေက သူ့တစ်သက်မှာ အောင်မြင်ပြီး၊ ကာတွန်းဘက်မှာလဲ ဘကြီးမေတ္တာတုံး၊ ရွှေတလေး၊ ဘကလေးဆိုတဲ့ နာမည်(၂)မျိုး(၃)မျိုးနဲ့ ကျော် ကြားခဲ့သလို၊ ရုပ်ရှင်မှာလဲ ဦးရွှေရိုးဆိုပြီး ဟိုးလေးတကျော် ကျော်ကြားခဲ့တယ်။ အနုပညာရည်အနေနဲ့ သူလှုပ်ရှား ကြိုးစား ရုန်းကန်သွားခဲ့တဲ့ကာလအတွင်းက တီထွင်ဆန်းသစ် မှုတွေဟာ အင်မတန်များပြားပြောင်မြောက်ပါတယ်။ ဒါတွေဟာ မတိမ်မြုပ် မပျောက်ပျက်စကောင်းပါဘူး။ ကာတွန်း ပေါ်စက မြန်မာ စာဖတ်ပရိသတ်ဟာ ကာတွန်းကို မကြည့်တတ်ကြပါဘူး။ ကာတွန်းဆိုတာ အစွမ်းသတ္တိကြီးတယ်။ ကာတွန်း တစ်ကွက်က ထိစရာမြင်စရာရှိလဲ ရှင်းရှင်းထိမြင်ရတယ်ဆိုတော့ မြန်မာ့ ပန်းချီနဲ့ စာပေလောကထဲကို ဦးဘကလေးရဲ့ ကြိုးပမ်းအားထုတ် မှုကြောင့် ၂၀-ရာစု နှစ်အစပိုင်းကတည်းကို ကာတွန်းပညာ ရောက်ရှိလာခဲ့ပါတယ်။
ဦးဘကလေးရဲ့ကာတွန်းဟာ Caricature လို့ခေါ်တဲ့ ရုပ်ပြောင်ပုံတူကောင်းတယ်၊ စာလုံးတွေအားရှိတယ်၊ သူ့ဟာသက အရည်ရွှမ်းနေတဲ့ဟာသမျိုး၊ စိတ်ကူး စိတ်သန်းလည်း ကောင်းပါ တယ်။ Caricature လို့ခေါ်တဲ့ ရုပ်ပြောင် ပုံတူကောင်းတာနဲ့ ပတ်သက်လို့ မြန်မာနိုင်ငံမှာပေါ်ဘူးတဲ့ ကာတွန်းဆရာတွေ ဦးဘကလေးကို လိုက်မမှီဘူးလို့ပြောခဲ့ကြပါတယ်။ ဦးဘကလေး က ရုပ်ပြောင်ပုံတူမှာကောင်းရုံမက၊ လျှပ်တပြက်အတွင်း ဆွဲ နိုင်စွမ်းလောက်အောင်လဲမြန်တဲ့သူတစ်ယောက်ပါ။ ဒါကြောင့် သူကအပျင်းပြေ သူ့လက်စွမ်းပြ ရေးဆွဲတာမျိုးလုပ်တာတွေလဲ အကြိမ်ကြိမ်ရှိခဲ့ပါတယ်။ သူ့ခေတ်မှာ သူ့ပညာသာမက လူကို အပြင်မှာမြင်ဖူးချင်တဲ့လူတွေကလည်းအများကြီးပါ။ ဒါကြောင့်ပဲ မြို့မကျောင်းက ရံပုံငွေရှာတဲ့ပွဲမှာ ဦးဘကလေးကိုယ်တိုင် ထွက်ပြီး ဇာတ်ခုံပေါ်မှာ ကာတွန်းဆွဲပြတဲ့ အစီအစဉ်ကိုလည်း ပွဲစီစဉ်သူတွေက ပါအောင်ကြိုးစားခဲ့ကြတယ်။ ဦးဘကလေးက မြန်မာစာကို စာဆန်တာ သိပ်ကြိုက်ပုံမရဘူး။ သူကာတွန်းဆိုတဲ့ အခါ နစ်အပြားကြီးကိုင်ပြီး အားနဲ့မာန်နဲ့ တောင့်တောင့် တင်းတင်းရေးတယ်။ ဒါကြောင့် ဦးဘကလေးစာလုံးက မလှ ပေမယ့် အားရှိတယ်။ ဦးဘကလေးက မြန်မာစာလုံးပုံစံသစ် ကိုလဲထွင်ရေးပါတယ်။
ဦးဘကလေးလက်ရာများ ကောင်းမှန်းသိတော့ မဂ္ဂဇင်း တော်တော်များများက သူတို့ကိုယ်ပိုင် ကာတွန်းဆရာအဖြစ်နဲ့ လုပ်ဖို့ကမ်းလှမ်းကြတယ်။ ဦးဘကလေးက အချုပ်အခြယ်ရှိမှာ စိုးလို့ လခစားမလုပ်ခဲ့ပါဘူး။ ဦးဘကလေးရဲ့ကာတွန်းကို အများဆုံး အသုံးပြုတဲ့ အင်္ဂလိပ်သတင်းစာကတော့ ရန်ကုန် Time သတင်းစာပါ။ Time အယ်ဒီတာတွေက ဦးဘကလေးကို Geniousတကယ့်ပါရမီရှင်လို့ မြင်ကြပါတယ်။
ဦးဘကလေးက အင်္ဂလိပ်စာကို မြန်မာစာထက် နိုင်နင်း တတ်ကျွမ်းပါတယ်။ ဒါကြောင့် သူ့ကိုယ်ပိုင်ကုမ္ပဏီက ရိုက်ထုတ်တဲ့ အသံတိတ်ခေတ်က ဇာတ်ကားတွေမှာ စာတန်းကို မြန်မာလိုရော အင်္ဂလိပ်လိုပါ သူကိုယ်တိုင်ရေးပြီး စာတန်းထိုး ပါတယ်။ အင်္ဂလိပ်စာတန်းလဲထိုးပြမယ်လို့ ရုပ်ရှင်ကြော်ငြာမှာ တစ်ခါတည်းထည့်ပါတယ်။ သူ့ရုပ်ရှင်ကြည့်တဲ့ ပရိသတ်က မြန်မာပရိသတ်တင်မက တရုတ်၊ အင်္ဂလိပ်နဲ့ အခြားအစုံရှိနေပြီး ရန်ကုန် Time သတင်းစာကဆိုရင် သူ့ကားလာကြည့်ပြီး ဝေဖန်ချက်များ ကောင်းကောင်းရေးပေးခဲ့ပါတယ်။ ဦးဘကလေး ဟာ သူ့ရုပ်ရှင်ကြော်ငြာများမှာ သူ့ကာတွန်းများနဲ့ကြော်ငြာ ပါတယ်။ အဲဒီခေတ်က အဲဒီလိုလုပ်တာတွေမရှိခဲ့ပါဘူး။
ရုပ်ရှင်တစ်ကားမှာဆို (၄)ကိုယ်ခွဲပြီး ခြားခြားနားနာ သရုပ်ဆောင်သွားရာမှာ တချို့က လွယ်တယ်လို့ထင်နိုင်ပေမယ့် လူတိုင်းလက်ဖျားခါခဲ့ကြပါတယ်။ ဦးဘကလေးဟာ သူတို့ခေတ် က ရုပ်ပြောင်းရုပ်လွှဲနဲ့စမ်းသပ်တာ အောင်မြင်လာတော့ အင်မတန် အားတက်လာတယ်။ သူ့ကိုယ်သူလဲ ယုံကြည်မှုရှိလာပြီး နောက် ကားတွေမှာ အမျိုးမျိုးတိုးတက်တီထွင်လာပါတယ်။
ဦးဘကလေးနဲ့အတူ တွဲဖက်ပြီး အလုပ်လုပ်ခဲ့တဲ့ ပုဂ္ဂိုလ်တွေက “ဒီလိုလူ မမွေးသေးဘူး၊ တကယ်ထူးတဲ့ ပါရမီရှင်ပဲ”လို့ ပြောကြရတဲ့ အနုပညာသည်တစ်ယောက်ပါ။ ဦးဘကလေးဟာ မြန်မာပြည်မှာ ပေါ်ပေါက်ခဲ အနုပညာသည် ကြီးဖြစ်ပါတယ်။
တကယ်တော့ ဦးဘကလေးက သူလိုက်စားထားတဲ့ ပညာမှာ ၀ါစာကမာအပေါ်ယံသဘောမဟုတ်ပါဘူး။ အနုပညာ အနေနဲ့ လေးလေးနက်နက် လိုက်စားခဲ့တာပါ။ ဦးဘကလေးမှာ တို့မြန်မာလူမျိုးလွတ်လပ်ရမယ်၊ ကမ္ဘာ့လူမျိုးကြီးတွေနဲ့ ရင်ဘောင်တန်းနိုင်ရမယ်။ ကိုလိုနီနယ်ချဲ့သမားကို ပြည်သူ့အားနဲ့ တိုက်ပွဲဝင်ရမယ်ဆိုတဲ့အမြင် ခိုင်ခိုင်မာမာရှိပါတယ်။ ဒီလို တိုက်ပွဲဝင်ရင် တစ်နေ့အောင်ပွဲခံမှာဘဲဆိုတာကို သူကယုံကြည် တယ်။ ဒါကြောင့် သူ့လက်ရာတွေက ပြတ်သားပြောင်မြောက် နေပါတယ်။
ဦးဘကလေးကို အလယ်တန်းပြဆရာ ဦးဘိုးသင်းနဲ့ ဒေါ်သဲမှုန်တို့က ပုသိမ်မြို့ ထောင်ကုန်းရပ် အရက်ဖိုလမ်း အိမ် အမှတ်(၃)တွင် ၁၈၉၃-ခုနှစ်မှာ မွေးဖွားခဲ့ပါတယ်။ ငယ်စဉ် ကတည်းက ဥာဏ်ထက်မြက်ပြီး ပျော်စရာ ရီစရာလုပ်တတ်၊ တယ်။ ပုံဆွဲဝါသနာပါခဲ့ပါတယ်။ (၁၆)နှစ်မပြည့်ခင် အင်္ဂလိပ် မြန်မာ (၂)ဘာသာသင်ပုသိမ် အထက်တန်းကျောင်းက (၁၀)တန်း ကို အင်္ဂလိပ်စာနဲ့ ဂဏန်းသင်္ချာမှာ ဂုဏ်ထူးနဲ့ အောင်မြင်ခဲ့ပါ တယ်။ သူတို့ခေတ်က ကောလိပ်တက်ဖို့ Scholarshipရပေမယ့် အသက်မပြည့်လို့ တစ်နှစ်စောင့်နေရပါတယ်။  ကောလိပ်ရောက်တော့ ဥပစာတန်းအောင်ပြီး ဘီအေရောက်တဲ့ အခါ စာကျက်တာထက် အရုပ်ဆွဲနေတာကများတာကြောင့် စာမေးပွဲလဲက Scholarshipလည်း ပြုတ်ခဲ့ရပါတယ်။ မြို့အုပ်ဖြစ်ချင်တဲ့ ကောလိပ်ကျောင်းသားအိပ်မက်ဆိုတဲ့ သူ့ရဲ့ ပထမဆုံးကာတွန်းကို ၁၉၁၅-ခုနှစ်ထုတ်တဲ့ ကောလိပ်မဂ္ဂဇင်း မှာပါပြီး အဲဒီမဂ္ဂဇင်းအဖုံးကိုလည်း သူပဲဆွဲပေးခဲ့တယ်။ သူကောလိပ် တက်နေစဉ် ပုသိမ်မှာ ပလိပ်ရောဂါအကြီးအကျယ် ဖြစ်တဲ့နှစ် သူ့ဖခင်ဟာ ပလိပ်ရောဂါဖြစ်လို့ ကွယ်လွန်ခဲ့ရတယ်။ ဦးဘကလေးမှာ အစ်ကိုဦးဘကြီး တစ်ယောက်ပဲရှိတာကြောင့် အဖေဆုံးတော့ အမေကို လုပ်ကျွေးဖို့လိုလာလို့ ကောလိပ်က ထွက်ပြီး ကျောင်းဆရာဝင်လုပ်တယ်။ ဒါပေမယ့် ဒီအလုပ်မှာ မမြဲပါဘူး။ ကိုလိုနီခေတ်ဆိုတော့ ဘုရားမထူးချင်တာနဲ့ အစိုးရ လခစားဘ၀ကိုစွန့်ခဲ့ပါတယ်။

နောက်တော့ သူဝါသနာပါတဲ့ကာတွန်းများဆွဲပြီး အသက်မွေးဖို့ ရန်ကုန်ရောက်လာတယ်။ အင်္ဂလိပ်သတင်းစာ ရန်ကုန်Time က ကောလိပ်မဂ္ဂဇင်းထဲမှာပါတဲ့ မြို့အုပ်အိပ်မက် ကာတွန်းကို မြင်ကတည်းက အလားအလာရှိတဲ့ လူငယ်အနေနဲ့ မျက်စိကျနေတာကြောင့် ရန်ကုန်ရောက်လာတဲ့ အခါ ကာတွန်းနဲ့ အသက်မွေးဘို့ မခဲယဉ်းတော့ပါဘူး။ အဲဒီအချိန်က ကုန်ပစ္စည်း ကြော်ငြာများမှာ ပန်းချီ၊ ကာတွန်းများနဲ့ ကြော်ငြာကြပါတယ်။ ဦးဘကလေးဟာ ၁၉၁၇-ခုနှစ်က သူရိယမဂ္ဂဇင်းမှာဆွဲတဲ့ ကာတွန်းများအပြင် ကုန်ပစ္စည်းကြော်ငြာများလဲ ရေးဆွဲပေးလာရ ပါတယ်။ အဲဒီနှစ်မှာပဲ မြန်မာအဆွေ သူဋ္ဌေးဦးဘညွန့်က သူလုပ်ချင်တဲ့ သဘောကိုပြောပြရင် ဦးဘကလေးက အင်မတန် ကြိုက်နှစ်သက် စရာကောင်းတဲ့ စိတ်ကူးစိတ်သန်းများနဲ့ အကောင်အထည်ဖော် ပေးတတ်လို့ သဘောကျတာကြောင့် ဦးဘကလေးကို ကြော်ငြာ မန်နေဂျာခန့်ခဲ့ပါတယ်။ အဲဒီမှာလုပ်နေရင်း ၁၉၁၉-ခုနှစ် ဇွန်လမှာ သူဋ္ဌေးဦးဘညွန့်ရဲ့ သမီး ဒေါ်ခင်ခင်နဲ့ အိမ်ထောင်ကျခဲ့ ပါတယ်။ သူတို့အိမ်ထောင်ရေးဟာ ချောချော မွေ့မွေ့နဲ့ အကြင် လင်မယားအဖြစ် ရောက်ရတာမဟုတ်ပါဘူး။ ဦးဘကလေးက မွတ်စလင်၊ ဒေါ်ခင်ခင်က ဗုဒ္ဓဘာသာဆိုတော့ အခက်အခဲတွေ အများကြီး ကျော်လွှားခဲ့ရပါတယ်။ (၇)နှစ်လောက်ပေါင်းကြရပြီး နောက် ကွဲသွားကြပါတယ်။ နှစ်ယောက်စလုံး အသီးသီး အိမ်ထောင်ပြုခဲ့ကြပါတယ်။ ဦးဘလေးက ဒေါ်ခင်ထားနဲ့ဒုတိယ အိမ်ထောင်ပြုပါတယ်။ ဦးဘကလေးဟာ ဒေါ်ခင်ထားနဲ့ အသက်ထက်ဆုံးပေါင်းသင်းသွားပြီး ဒေါ်ခင်ထား လက်ပေါ်မှာပဲ ကွယ်လွန်ခဲ့ပါတယ်။
ဒေါ်ခင်ထားနဲ့လက်ထက်တဲ့ အချိန်ရောက်တော့ ဦးဘကလေးက အရက်သောက်တတ်လာတယ်။ ပထမ နဲနဲ သောက်ရာက များများသောက်လာပြီး အရက်ထဲနစ်နေတဲ့ ဘ၀ ဆိုက်သွားပါတယ်။ ဦးဘကလေးဟာ စိတ်နေစိတ်ထားက ချစ်စရာကောင်းပြီး သဘောကောင်းတယ်၊ ပျော်တတ်တယ်၊ ရီစရာမောစရာလေးတွေလုပ်မယ်၊ ပုံတိုပတ်စကလေးတွေ ပြောမယ်၊ စိတ်ဆိုးတယ်ရယ်လို့ရှိခဲပါတယ်။ လူတစ်ဖက်သား ကို သနားတတ်တယ်၊ ကြင်နာတတ်တဲ့စိတ်ရှိတယ်။ အားနာ တယ် စိတ်နေစိတ်ထားလဲ မြင့်မြတ်ပါတယ်။ သူအရက် မသောက်ခင်က ကာတွန်းတွေဆွဲပြီး အရက်သောက်တာကို ပြစ်တင် သတိပေးခဲ့တာ အများကြီးရှိပါတယ်။ သူ့ဘ၀မှာ လူမှုရေး မကျေနပ်မှုတွေ များလာတဲ့အခါ နည်းမှန်လမ်းမှန် မဖြေရှင်း တတ်ဘဲ အရက်ကိုအဖော်လုပ်မိရာက အရက်က လူကိုဝါးမျိုပစ် လိုက်လို့ နှမျောစရာကောင်းလှတဲ့ လူတစ် ယောက်ဟာ အရက် ထဲမှာပဲ နစ်မြုပ်ပျက်စီးသွားရ ပါတယ်။ ၁၉၃၈-ခုနှစ် (၆)လပိုင်းလောက်မှာ သူတို့နေတဲ့ တိုက်ရဲ့ နောက်ဖေးဆောင် ပြိုကျလို့ ဦးဘကလေး ခါးနဲ့ခေါင်းမှာ ထိခိုက် မိပြီး ဒဏ်ရာအကြီးအကျယ်ရသွားတယ်။ ဆေးရုံပေါ်မှာ (၃)လနဲ့ (၈)ရက်နေပြီးဆင်းခဲ့တယ်။ ဆရာဝန်တွေက (၆)လလောက် အနားယူဖို့ပြောပေမယ့် (၃)လလောက်ပဲနေပါတယ်။ နောက် ၁၉၃၉-ခုနှစ်မှာ ပုသိမ်ကိုပြောင်းသွားကြပြီး အစ်ကိုဝမ်းကွဲ တော်တဲ့ ဦးအီစာတို့အိမ်မှာနေခဲ့ကြတယ်။ ပုသိမ်ရောက်လို့ (၃)လောက်လဲနေရော ဦးဘကလေး စိတ်နောက်သွားရှာ ပါတယ်။ စိတ်ဝေဒနာဖြစ်တယ်ဆိုပေမယ့် ကြမ်းကြမ်းတမ်းတမ်း မဟုတ်ပါဘူး။ ယဉ်ယဉ်ကလေးပဲ။ မသိတဲ့ လူမြင်ရင် နေကောင်းတယ်ပဲထင်ရတယ်။ စိတ်ဝေဒနာဖြစ်နေပေမယ့် နမားဇ်ဖတ်တယ် (ဝတ်ပြုသည်) ၊ တစ်ခါတစ်ရံသီချင်းဆိုတယ်။ သီချင်းဆိုရင် သူများရေးထားတဲ့ သီချင်းမဟုတ်ဘဲ သူ့ရှေးဟောင်းနှောင်းဖြစ် တွေကို သူ့ဖာသာ လက်တမ်းစပ်ဆိုတာ။ စာရေးချင်ရေးနေ တယ်။ ဆေးပေါ့လိပ်ကြီး လက်ကြားညှပ် လက်ကိုနောက်ပစ်ပြီး လမ်းထွက်ပြီး လျှောက်ချင်လျှောက်နေတယ်။ ဒုတိယကမ္ဘာ စစ်ကြီးဖြစ်လာတော့ ဟင်္သာတကိုပြောင်းရွေှ့ကြရပါတယ်။ ဟင်္သာတက တဆင့် ဒမ္ဘီကိုရွေှ့ကြရတယ်။ ဒမ္ဘီမှာပဲ ဦးဘကလေး ကွယ်လွန်သွားခဲ့ပါတယ်။
လူကြီးအများစုက ဦးဘကလေးအကြောင်းကို ကြားဖူး ပြီးသားဖြစ်နိုင်ပါတယ်။ မြန်မာ့နယ်ပယ်မှာ အောင်မြင်ထင်ရှား ကျော်ကြားခဲ့သော ဦးဘကလေးဆိုတဲ့ တိုင်းရင်းသားအစ္စလာမ် သာသနာဝင် တစ်ဦးရဲ့ သူမတူတဲ့အောင်မြင်မှုတွေ၊ ကြေကွဲဖွယ် ကျဆုံးမှုတွေ ရောထွေးနေတဲ့သူ့ဘ၀ဟာ ကျွန်မတို့ လူငယ်များ အတွက် ဂုဏ်ယူဖွယ် အတုယူဖွယ်၊ သင်ခန်းစာယူဖွယ်ရာများ ဖြစ်ပါတယ်။
ဦးဘကလေးအကြောင်းကို ပြည့်ပြည့်စုံစုံသိရှိစေဖို့ လူထုဒေါ်အမာရေးသားပြုစုခဲ့သော “ရွှေရိုး ဘကလေး”ဆိုတဲ့ စာအုပ်ကို ညွှန်းဆိုချင်ပါတယ်။ ဒီစာမူကို ရေးသားခွင့်ပြုတဲ့ ဘွားဘွားလူထု ဒေါ်အမာကိုလည်း ကျေးဇူးအထူးတင်ပါတယ်။

စာရေးဆရာကြီးမင်းယုဝေရေးသားခဲ့သော ပထမမြန်မာများစာအုပ်မှ မြန်မာမွတ်စလင်မ် ဦးဘကလေး(ရွှေကလေး)အကြောင်းဖတ်လိုလျှင်
firstmyanmar_ubakalay

နိုဝင်ဘာ (၂၅)ရက်နေ့တွင် ကျရောက်သော အပြည်ပြည်ဆိုင်ရာ အမျိုးသမီးများ အပေါ် အကြမ်းဖက်မှု ပပျောက်ရေးနေ့ တွင် မြန်မာနိုင်ငံရှိ အရပ်ဘက် လူ့အဖွဲ့အစည်းများ၊ အမျိုးသမီး ကွန်ရက်များ၊ လူမှုဝန်ထမ်း ဦးစီး ဌာနမှ ဝန်ထမ်းများ၊ မိခင်နှင့် ကလေး စောင့်ရှောက်ရေး စသည့် လူမှု ကွန်ရက် ၂၀ ကျော်မှ အဖွဲ့ဝင်များက အမျိုးသမီးများ အပေါ် အကြမ်းဖက်မှု ရပ်တန့် ပပျောက်ရေး အတွက် ယနေ့ နံနက် ၆နာရီခန့်မှ စတင်ကာ ရန်ကုန်မြို့၊ ဆူးလေဘုရား အနီး မြို့တော်ခန်းမရှေ့ မှတဆင့် ကန်တော်ကြီးအထိ လမ်းလျှောက် ဆန္ဒထုတ်ဖော် ခဲ့ကြသည်။
(Credit The Voice Weekly)

Certified Ethical Hacker v6 Training ဆိုတဲ့ DVD လေးပါ။ level အလိုက် အဆင့်ဆင့် သင်ခန်းစာများ ပါဝင်ပါတယ်။ စကားပြော၊ စာသား၊ သရုပ်ဗီဒီယိုများ ပါဝင်ပါတယ်။ အတူတကွလိုက်လုပ် နိုင်တာဆိုတော့ အီးဘွတ်တွေ ဖတ်တာထက် အများကြီးအဆင်ပြေပါတယ်။ အရမ်းအားစိုက်စရာလည်းမလိုဘူးလေ။ တကယ်ကြိုးစားတဲ့လူတွေအတွက် ဖြစ်ချင်တာတွေ တကယ်ဖြစ်ဖို့ အကူအညီ အများကြီးရပါလိမ့်မယ်။   
Rapidshare က နှစ်နေရာ၊ torrent နဲ့ တစ်နေရာ တင်ပေးထားပါတယ်။ မိမိအဆင်ပြေတာ တစ်ခုကို ဒေါင်းပေါ့။ Rapidshare က ဖိုင်များတယ်ဆိုပေမယ့် ကျနော် အရင်ပေးခဲ့တဲ့ Rapidshare Auto Downloader နဲ့ဖြစ်ဖြစ်၊ Free Rapidshare နဲ့ဖြစ်ဖြစ် ဒေါင်းလိုက်ရင် အဆင်ပြေပါတယ်။


Download Here (mirror 1)
Download (mirror 2)
torrent download

နေပြည်တော် ပျဉ်းမနားနှင့် ပုပ္ဗ္ဗသီရိမြို့နယ် အစပ်ကြား ရာဇဌာနီ လမ်းမပေါ်တွင် တီတူးသောင်းဆန်ကားနှင့် မြန်မာနိုင်ငံ မူးယစ် ဆန့်ကျင်ရေး အသင်း (ဗဟို) မှ လိုက်ထရပ်ကားတို့ တိုက်မိရာမှ လိုက်ထရပ်ကားပေါ်ပါ လူနှစ်ဦး မီးလောင်သေဆုံးမှု ယနေ့ ညနေ (၄း၁၅)က ဖြစ်ပွားခဲ့ကြောင်း သတင်းရရှိသည်။      

သတင်း အပြည့်အစုံ ဖတ်ရန် ဒီနေရာကို နှိပ်ပါ

မီးလောင် ပေါက်ကွဲ သွားသည့် လိုက်ထရပ်ကားအား မီးငြှိမ်းသတ်စဉ်

ACDSee Video Converter Pro v 3.0.23.0  လေးပါ။  update လေးဖြစ်ပါတယ်။
ဒီကောင်လေးကတော့ Video Converter  တခုပါပဲ file format တော်တော်များကို ပြောင်းလွဲနိုင်ပါတယ်။ ပြောင်းနိုင်တဲ့အမျိုးစားများကတော့
AVI, MP4, MKV, FLV, 3GP, 3G2, WMV, MOV, VOB, MPG, PSP, M4V, VCD, DVD, ARM, ASF, AVS, SWF, MPEG, MTV, OGG , H261, H263, H264, MP3, M2TS များဖြစ်ပါတယ်။
 ဖိုင်ဆိုဒ်ကတော့ 24.3 MB ရှိပါတယ်။ patch ပါထည့်ပေးထားပါတယ်။

စပိန် နာမည်ကြီးဘောလုံးကလပ် ရီရဲလ်မဒရစ်အသင်းကစားသမားဖြစ်တဲ့ ကမ္ဘာ့ကျော်ဘောလုံးသမား ခရစ်တီရာနို ရော်နယ်ဒိုဟာ ဂါဇာဒေသမှာ ပါလက်စတိုင်းကလေးငယ်များအတွက် ပေါင် ၁.၅ သန်း (US $ ၂.၄ သန်း)  လှူဒါန်းခဲ့ကြောင်းကို ရီရဲလ်မဒရစ်အသင်းရဲ့ အာရဗ်ဘာသာနဲ့ ထုတ်ပြန်တဲ့ သတင်းထုတ်ပြန်ချက်များမှာဖော်ပြပါတယ်။
ရော်နယ်ဒိုဟာ ၂၀၁၁ ခုနှစ်မှာ ရီရဲလ်ဖောင်ဒေးရှင်းမှ ချီးမြှင့်ခြင်းခံရတဲ့ ရွှေဖိနပ်ကို ရောင်းချခဲ့ပြီး ရခဲ့တာကို ဂါဇာဒေသမှ ကျောင်းများအတွက် ရန်ပုံငွေအဖြစ်လှူဒါန်းခဲ့ခြင်းဖြစ်ပါတယ်။
ရီရဲလ်အသင်းဖောင်ဒေးရှင်းဟာ  ကမ္ဘာတဝှမ်း နိုင်ငံပေါင်း ၆၆ နိုင်ငံက ကျောင်းပေါင်း ၁၆၇ ကျောင်းကို ကူညီထောက်ပံ့လျှက်ရှိတယ်လို့ မှတ်တမ်းများအရသိရပါတယ်။
ဒါက ရော်နယ်ဒိုရဲ့ ပထမဆုံးအလှူမဟုတ်ပါဘူး ယခင်နှစ်တွေကလည်း ရော်နယ်ဒိုဟာ သူရဲ့ အားကစားဖိနပ်များရောင်းချမှုက ရရှိငွေကနေ ဂါဇာဒေသမှာရှိတဲ့ စာသင်ကျောင်းတွေအတွက် ရန်ပုံငွေ ထူထောင်ပေးခဲ့ပါသေးတယ်။
ရော်နယ်ဒိုဟာ မန်ချက်စတာယူနိုက်တက် အသင်းမှ ရီရဲလ်မက်ဒရစ်အသင်းသို့ ကမ္ဘာစံချိန်တင် ပြောင်းရွှေ့ကြေး ပေါင် ၉၃.၉ သန်းဖြင့် ပြောင်းရွှေလာခဲ့သူဖြစ်ပါတယ်။ လက်ရှိမှာ ရီရဲလ်မဒရစ်အသင်းမှာ သူအတွက် တစ်နှစ်ကို လစာ ပေါင် ၁၂ သန်းဖြင့် စာချူပ်ချူပ်ဆိုထားပြိး ကမ္ဘာ့ဝင်ငွေအများဆုံးရတဲ့ ဘောလုံးသများများထဲမှ တယောက်အပါအဝင်ဖြစ်ပါတယ်။
ဟားမာစ်ထိန်းချူပ်ထားရာ ဂါဇာဒေသကို အစ္စရေးမှ နိုဝင်ဘာ ၁၃ ရက်နေ့မှ စပြီးကျူးကျော်တိုက်ခိုက်ရာမှာ AP မှဖော်ပြထားသော စာရင်းများအရ ယနေ့အထိ ပါလက်စတိုင်း ၁၄၀ ကျော်သေဆုံးသွားပြီး ၄င်းတို့တွင် အရပ်သားအများပြားပါဝင်ပြီး ကလေးငယ်များလဲပါဝင်ကြောင်းသိရပါတယ်။ ဒဏ်ရရှိသူ ၁၁၀၀ကျော်ရှိပြီး ဟားမာစ်တို့ ရဲ့ ဒုံးကျည်များဖြင့် ပြန်လည် ပစ်ခတ်မှုကြောင့် အစ္စရေး ၅ ဦး သေဆုံးပြိး ဒါဇင်နှင့်ချီပြီး ဒဏ်ရာရရှိကြောင်း ဖော်ပြထားရှိပါတယ်။
အစ္စရေးတို့ရဲ့ အရပ်ဘက်ပစ်မှတ်များကို တိုက်ခိုက်မှု့ကြောင့် ကလေးငယ်များအပါဝင် အရပ်သားအများအပြား သေဆုံးမှုကြောင့် ကမ္ဘာ့နိုင်ငံအများအပြားတွင် ဂျူးလူမျိုးများအပါဝင် ထောင်ပေါင်းများစွာသော ဘာသာပေါင်းစုံ ပြည်သူများ အစ္စရေးရဲ့ လုပ်ရပ်ကို ဆန့်ကျင့်ကန့်ကွက် မှုများဖြစ်ပေါ်လျက်ရှိပါတယ်။
အမေရိကန်သမ္မတ အိုဗာမားကတော့ ဘန်ကောက်မြို့မှာ ပြုလုပ်ခဲ့တဲ့ သတင်းစာရှင်းလင်းပွဲတခုမှာ အစ္စရေးနိုင်ငံဟာ မိမိကိုယ်ကိုယ် ကာကွယ်ပိုင်ခွင့်ရှိကြောင်း ပြောဆိုသွားပြီး အစ္စရေးဘက်က ဆက်လက်ရပ်တည်သွားပါတယ်။

ကိုးကား https://rt.com/

ဒေါပုံမြို့နယ်၊ ဗန္ဓုလတံတား အဆင်းတွင် ယာဉ်ကိုးစီးဆင့်တိုက်မှု ဖြစ်ပွားခဲ့သည့်ဖြစ်စဉ် နိုဝင်ဘာလ ၂၀ရက်နေ့၊ နေ့လည် ၁၁နာရီ ၄၅မိနစ် အချိန်တွင် ဖြစ်ပွားခဲ့ ကြောင်း သိရှိရသည်။
ယာဉ်တိုက်မှုဖြစ်စဉ်မှာ နစ်ဆန်းဒီဇယ်ထရပ် အဖြူဝါရောင်ယာဉ်သည် ယမုံနာလမ်းဆုံမီးပွိုင့်အနီး အရောက်တွင် ၄င်းရှေ့မှမောင်းနှင်လာသည့် ယာဉ်ငါးစီးအား နောက်မှအဆင့်ဆင့်တိုက်မိကာ အရှိန်လွန်၍ မျက်နှာချင်းဆိုင်မှ မီးစိမ်း၍ ဗန္ဓုလတံတားဘက်သို့ လက်ဝဲဘက်မှချိုး ကွေ့မောင်းနှင်လာသော ယာဉ်သုံးစီး တို့အား ထပ်မံတိုက်မိခဲ့ကာ လမ်းဆုံ မီးပွိုင့်ရှိ ယာဉ်ထိန်းနားခိုတဲအား ထပ်မံ၍တိုက်မိခဲ့ကြောင်း သိရှိရသည်။
“ ယာဉ်တိုက်မှုဖြစ်ပြီး ခဏ လောက်ကြာမှ ကျွန်တော်က ရောက် လာတာပါ။ ကားကိုးစီးဆင့် တိုက်တယ်လို့တော့ သိရပါတယ်။ ဒဏ် ရာရရှိသူတွေကိုလည်း ဆေးရုံကိုခေါ်ဆောင်သွားပါတယ်။ ဒဏ်ရာရရှိသူ တွေများမယ် ထင်ပါတယ်” ဟု ယင်းဖြစ်စဉ်ကို မျက်မြင်ကြုံတွေ့သူတစ်ဦးမှ ပြောကြားခဲ့သည်။
အဆိုပါ ယာဉ်တိုက်မှုကြောင့် သေဆုံးမှုနှင့် အပြင်းအထန်ဒဏ်ရာ ရရှိမှုများရှိခဲ့ကာ ၁၁ ဦးမှာ ရန်ကုန် ပြည်သူ့ဆေးရုံကြီးတွင် အတွင်းလူ နာများအဖြစ် တင်ပို့ခဲ့ရပြီး ဆေးကုသမှု ခံယူလျက်ရှိသူ တစ်ဦးမှာ ဖြစ်စဉ်ဖြစ်ပွားခဲ့သည့် နိုဝင်ဘာလ ၂၀ ရက်နေ့တွင် ဆေးကုသမှုခံယူနေစဉ် သေဆုံးသွားခဲ့ကြောင်း ရန်ကုန်တိုင်း ဒေသကြီး၊ ကြိုးမဲ့ကြေးနန်းနှင့် ယာဉ်ထိန်းတပ်ဖွဲ့မှူးရုံးမှ သိရှိရသည်။
အဆိုပါ ယာဉ်တိုက်မှု ဖြစ်ပွားခဲ့သည့် ဗန္ဓုလတံတားအဆင်း နေရာသည် ယာဉ်များ မကြာခဏ ယာဉ်တိုက်မှုဖြစ်ပွားလေ့ရှိသည့် နေရာဖြစ်ကြောင်းလည်း သိရှိရသည်။

မိုဘိုင်းဖုန်းအင်တာနက်လိုင်းများ အသုံးပြုရာတွင် သုံးစွဲသူများအနေဖြင့် အင်တာနက်လိုင်း ပြတ်တောက်မှု၊ နှေးကွေးမှုများ မကြာခဏ ကြုံတွေ့ခံစားနေရကြောင်း သုံးစွဲသူများထံမှ သိရှိရသည်။                                
ယခုအခါ မိုဘိုင်းဖုန်းဖြင့် အင်တာနက် အသုံးပြုသူဦးရေမှာ တရားဝင်ထုတ်ပြန်ထားမှုအရ နှစ်သိန်း ကျော်အထိ ရှိလာပြီဖြစ်ပြီး Broad Band စနစ်ဖြင့် အင်တာနက် အသုံးပြုသူ အရေအတွက်ထက် ပိုမိုများပြားလျက်ရှိကြောင်း သိရသည်။
“WCDMA သုံးတာ လိုင်းမကောင်းတာ အောက်တိုဘာလလယ် လောက်ကတည်းကပဲပေါ့။ 3G လိုင်းတောင် တက်မလာဘဲ EDGE နဲ့ပဲ သွားနေတယ်။ အရင်ကဆိုရင် 3G တွေ ဘာတွေ တက်လာသေးတယ်။   အခုရက်ပိုင်းအတွင်း သုံးရတာ လုံးဝကို အဆင်မပြေဘူး” ဟု လသာမြို့နယ်တွင် နေထိုင်သည့် ကိုထူးအောင်က နိုဝင်ဘာလ ၁၉ ရက်နေ့၌ ပြောကြားခဲ့သည်။
“အရင်ကဆိုရင် ရုံးကနေအိမ်ပြန်တဲ့ လမ်းတစ်လျှောက်မှာဆိုရင် ကားပေါ်မှာ သုံးသွားတာ မြေနီကုန်းကနေ  ရှစ်မိုင်အထိကို လိုင်းကောင်းတယ်။ ခုရက်ပိုင်းတော့ အင်တာနက်လိုင်းက မိနေပေမယ့် တစ်ခုခုဖွင့်ရင် တက်မလာတော့ဘူး။ ကျွန်မတို့ မှော်ဘီမှာဆိုရင် လုံးဝကို လိုင်းမမိသလောက်ပါပဲ” ဟု မှော်ဘီမြို့ခံ တစ်ဦးကလည်း ၎င်း၏ မိုဘိုင်းဖုန်းဖြင့် အင်တာနက်သုံးစွဲမှု အတွေ့အကြုံကို ရှင်းပြခဲ့သည်။
မိုဘိုင်းဖုန်းဖြင့် အင်တာနက် သုံးစွဲသူများထဲမှ အချို့မှာ အင်တာနက်သုံးစွဲရာတွင် အဆင်ပြေစေရန် ညပိုင်းတွင် အဓိကထား သုံးစွဲမှုများ ပြုလုပ်တတ်ကြကြောင်း သိရသည်။
“ကျွန်မတို့ ပုဇွန်တောင် ရေကျော်ဘက်မှာ အင်တာနက်က ဘယ်အချိန်သုံးသုံး လိုင်းကလုံးဝမကောင်းပါဘူး။ အခုရက်ပိုင်းအတွင်းဆို အင်တာနက်လိုင်းဖွင့်ရင် တော်တော်နဲ့ တက်မလာတဲ့အပြင် တက်လာရင်လည်း E ဆိုတာလေးပဲပေါ်ပြီး Loading ပဲ ပြနေတယ်။ အခုဆိုရင် သုံးနေရင်းနဲ့ လိုင်းလုံးဝ ပြတ်သွားတာလည်း ခဏခဏပါပဲ” ဟု ပုဇွန်တောင်တွင် နေထိုင်သည့် မအိအိစိုးက ပြောပြခဲ့ပါသည်။
ယခုကဲ့သို့ မိုဘိုင်းဖုန်းဖြင့် အင်တာနက်သုံးစွဲရာတွင် အဆင်မပြေမှုများ ရှိနေသည့်အပေါ် “အဲဒါကတော့ သုံးစွဲသူတွေများတဲ့ အချိန်မို့လို့ လိုင်းကြပ်တာဖြစ်မှာပေါ့ဗျာ။ အချိန်ပိုင်းနဲ့ဖြစ်နေတာ ဖြစ်မှာပေါ့။ တအားကြပ်တဲ့ အချိန်မှာဆိုရင်တော့ သည်းခံပြီး စောင့်ရမှာပေါ့ဗျာ။ လိုင်းကြပ်နေတာကို ချဲ့ရမှာပေါ့” ဟု မိုဘိုင်းဆက်သွယ်ရေးဌာနမှ အင်ဂျင်နီယာမှူးတစ်ဦးက ပြောကြားခဲ့ပါသည်။
မိုဘိုင်းဖုန်းဖြင့် အင်တာနက်သုံးစွဲသူ များပြားလာသည့်အတွက်   ရန်ကုန်မြို့တွင် 3G ကွန်ရက်များ ထပ်မံတိုးချဲ့ရန် လုပ်ဆောင်လျက်ရှိကြောင်းလည်း မြန်မာ့ဆက်သွယ်ရေးလုပ်ငန်း မိုဘိုင်းအင်ဂျင်နီယာချုပ် ထံမှ သိရှိရသည်။   

ငလျင် အင်အားနှင့် နှိုင်းယှဉ်လျှင် လူသေဆုံး၊ ထိခိုက် ဒဏ်ရာ ရရှိမှုနှင့် ပျက်စီး ဆုံးရှုံးမှုတို့မှာ နည်းပါးပြီး၊ ကံကောင်း ခဲ့ခြင်းသာ ဖြစ်ကြောင်း မြေငလျင် ပညာရှင်များက သုံးသပ် ပြောကြားသည်။

ရွှေဘို ငလျင်ကဲ့သို့ အင်အားပြင်း ငလျင်မျိုး စစ်ကိုင်းနှင့် မန္တလေး အနီးဖြစ်စေ၊ ပဲခူးအနီးဖြစ်စေ လှုပ်ခတ်ခဲ့ပါက ပျက်စီး ဆုံးရှုံးမှုမှာ ယခုထက် အဆပေါင်းများစွာ များနိုင်ကြောင်း ၎င်းတို့က ဆက်လက် ပြောကြားသည်။

ထို့ကြောင့် အနာဂတ်တွင် မြေငလျင် အန္တရာယ်နှင့် ပတ်သက်၍ ပိုမိုသတိရှိပြီး ကြိုတင် ကာကွယ်မှု များ ပြုလုပ်ရန် ပညာရှင်များက တိုက်တွန်းကြသည်။

    “အခုငလျင်က ကျွန်တော့်အမြင်က တစ်နည်းအားဖြင့် ပြောရရင် ကျွန်တော်တို့ ကံကောင်းတယ်ဗျ။ ကံကောင်းတယ် ဆိုတာက လူနေနည်းတဲ့ ဒေသမှာ လှုပ်လို့။ အားလုံးကို ခြုံလိုက်ရင် မန္တလေးနဲ့ နီးရင်သော် လည်းကောင်း၊ စစ်ကိုင်းနဲ့ နီးရင်သော် လည်းကောင်း မြို့ကြီးကြီးနဲ့နီးရင် ပျက်စီးဆုံးရှုံးမှု ပိုများမယ်။ လူလည်းသေတာ ပိုများမယ်။” ဟု စစ်ကိုင်းငလျင်ကြောကို တွေ့ရှိပြီး ဖော်ထုတ်နိုင်ခဲ့သော ဘူမိဗေဒပညာရှင် ဒေါက်တာဝင်းဆွေက ပြောသည်။

    “အခုသာ ရန်ကုန် ပဲခူးကို ဗဟိုပြုပြီး လှုပ်ရင် ပျက်စီးဆုံးရှုံးမှုက ဒီထက်များနိုင်တယ်” ဟု မြန်မာနိုင်ငံမြေငလျင်ကော်မတီ အတွင်းရေးမှူး ဦးစိုးသူရထွန်းကလည်းပြောသည်။ ထို့ကြောင့် ရွှေဘိုမြေငလျင်မှာ မြန်မာနိုင်ငံအတွင်း မြေငလျင်အန္တရာယ် ကြိုတင်ကာကွယ်ရေး အစီအမံများ မဖြစ်မနေပြုလုပ်ရတော့မည်ကို သတိပေးလိုက်ခြင်းပင် ဖြစ်ကြောင်း မြေငလျင်ပညာရှင်များကပြောသည်။

    မြန်မာနိုင်ငံ၏ လူနေထိုင်မှုအရ စစ်ကိုင်းပြတ်ရွေ့ကြော တစ်လျှောက် မြောက်ပိုင်းဒေသများတွင် လူနေထိုင်မှုကျဲပြီး အဆောက်အအုံကြီးများ အနည်းငယ်သာ ရှိသည်။ သို့သော် တောင်ပိုင်းသို့ ရောက်လာသည်နှင့်အမျှ လူနေပိုမိုထူထပ်လာပြီး အဆောက်အအုံကြီးများမှာ ပိုမိုများပြားလာသည်။

    ထို့ကြောင့် စစ်ကိုင်းငလျင်ကြောပေါ်တွင် နှစ်ပေါင်း ၅၆ နှစ်အတွင်း အင်အားအပြင်းဆုံး မြေငလျင်လှုပ်ခဲ့သော်လည်း ယခု အကြိမ် လူသေဆုံးထိခိုက် ဒဏ်ရာ ရရှိမှုနှင့် ပျက်စီးဆုံးရှုံးမှုမှာ ငလျင်ပမာဏနှင့်စာလျှင် လျော့နည်း သက်သာခဲ့ခြင်းသာဖြစ်ကြောင်း ပညာရှင်များက သုံးသပ်ခြင်းဖြစ်သည်။

    စစ်ကိုင်းသက်ရှိပြတ်ရွေ့ကြောပေါ်တွင် နောက်ဆုံးလှုပ်ခဲ့သော အင်အားပြင်းငလျင်မှာ ၁၉၅၆ ခုနှစ် ဇူလိုင် ၁၆ ရက်တွင် စစ်ကိုင်းမြို့အနီးကို ဗဟိုပြု၍ ရစ်ခ်ျတာစကေး ၇ ရှိ ငလျင်ကြီးဖြစ်သည်။ ထိုစဉ်ကပင် အဆိုပါငလျင်ကြောင့် လူ ၄၀ မှ ၅၀ အတွင်းသေဆုံးခဲ့ရသည်။

    “ဒီငလျင်က ငလျင်ကြီးပါ။ ငလျင်ကြီးမှာမှ ဒီလောက်ဘဲ အသေအပျောက်ဆိုတာ။ အချက်အလက်ရတာ စောသေးလို့လို့ အစကထင်တယ်။ အခုချိန်အထိ သေတာ ၁၃ ယောက်လောက်၊ ပျောက်ဆုံးနေတဲ့သူတွေနဲ့ ပေါင်းရင် လူ ၂၀၊ ၂၅ လောက်ဖြစ်မယ်ထင်တယ်။ ဒီလောက် ငလျင်ကြီး၊ လူနေထူထပ်တဲ့ နေရာတွေမှာ ဖြစ်သွားတယ် ဆိုတဲ့ဟာမှာ ကျွန်တော်တို့ နိုင်ငံရဲ့ အခြေအနေက မဆိုးဘူးလို့ ပြောလို့ရမယ်။ ဆောက်လုပ်ရေးလုပ်ငန်းကြီးတွေ စဆောက်ဖို့ တာစူနေတုန်းအချိန်မှာ ဒီလောက် ထိန်းသိမ်းနိုင်တယ်ဆိုတာ ကျွန်တော့်အနေနဲ့ မဆိုးဘူးလို့ ထင်ပါတယ်။” ဟု မြန်မာနိုင်ငံ မြေငလျင် ကော်မတီမှ အတွင်းရေးမှူး တစ်ဦးဖြစ်သော ဦးစောထွေးဇော်ကလည်း သုံးသပ်သည်။

ရွှေဘိုမြို့မြောက်ဘက် ၄၅ မိုင်အကွာ မြေငလျင်ပညာရှင်များက မကြာခဏ သတိပေးခဲ့သော စစ်ကိုင်းမြေငလျင်ကြောပေါ်တွင်ပင် ဗဟိုပြု၍ ရစ်ခ်ျတာစကေး ၆ ဒသမ ၈ အဆင့်ရှိ အင်အားပြင်းငလျင်မှာ နိုဝင်ဘာ ၁၁ ရက် နံနက် ၇ နာရီ ၄၂ မိနစ် တွင် လှုပ်ခတ်ခဲ့သည်။ ရွှေဘို၊ သပိတ်ကျင်း၊ ကျောက်မြောင်း၊ စဥ့်ကူးစသော မြို့များအပါအ၀င် မြို့နယ်ပေါင်း ဆယ်မြို့နယ်ကျော်မှာ မြေငလျင်ဒဏ်ခံခဲ့ရသည်။ သပိတ်ကျင်း၊ ကျောက်မြောင်း၊ ရွှေဘိုမြို့နယ်များမှာ ငလျင်ဒဏ်ကို အဆိုးဆုံးခံခဲ့ရသည်။ မြေငလျင်နှင့် ဘူမိဗေဒပညာရှင်များက စစ်ကိုင်း ငလျင်ကြောတစ်လျှောက်ရှိ ဒေသများကို မြေငလျင်အန္တရာယ်ကို အထူးသတိပြုရန် မကြာခဏ သတိပေးခဲ့သော်လည်း လက်တွေ့ မြေငလျင်လှုပ်လာသောအခါ ပြည်သူအများစုမှာ ဘေးအန္တရာယ်လျော့ပါးအောင် မည်သို့နေထိုင် ပြုမူရမည်ကို မသိရှိကြောင်း ဒေသခံများက ပြောသည်။

 ထို့ပြင် မြေငလျင်ကြီးများ ဆက်လှုပ်ဦးမည်ဟူသော ကောလဟလများကြောင့် ဒေသခံများစွာ စိုးရိမ်နေကြဆဲဖြစ်သည်။ မြေငလျင်ကြီးများ၏ ထုံးစံ အတိုင်း နောက်ဆက်တွဲ မြေငလျင်ငယ်များလည်း လှုပ်ခဲ့ပြီး နိုဝင်ဘာ ၁၃ ရက်ထိ နောက်ဆက်တွဲမြေငလျင် ၄ ကြိမ်လှုပ်ခဲ့ပြီး အင်အား ၅ အထက်ရှိသော အင်အား အသင့်အတင့်ရှိ မြေငလျင်များဖြစ်သည်။ မိုးဇလက နောက်ဆက်တွဲငလျင်များမှ အင်အား ၅ မကျော်ပါက မှတ်တမ်းတင်သော်လည်း သတင်းမထုတ်ပြန်ပေ။ နိုဝင်ဘာ ၁၃ နံနက် ၈နာရီကျော်တွင် နေပြည်တော်တောင်ဘက် ၃၅မိုင်၊ ဆွာမြို့အနောက်ဘက် ၁၄ မိုင်ဗဟိုပြု၍ ၄ ဒသမ ၈ အင်အားရှိ နောက်ဆက်တွဲငလျင်လှုပ် ခဲ့သည်။ ထို့ကြောင့် မြေငလျင် ပညာရှင်များက နောက်ဆက်တွဲ မြေငလျင်ငယ်များကိုလည်း သတိထားရန်နှင့် နိုဝင်ဘာ ၁၁ ရက် ငလျင်ကြီး လှုပ်ပြီးနောက် ယိုင်နဲ့နေပြီး ပြုတ်ကျနိုင်သော အိမ်နှင့် အဆောက်အအုံ များအောက်တွင် မနေထိုင်ကြရန် အကြံပြုပြောကြားသည်။

ထို့ပြင် စစ်ကိုင်းငလျင်ကြောပေါ်တွင် ၁၉၂၉ ခုနှစ်က ရစ်ခ်ျတာစကေး ၇ ၀န်းကျင်ရှိ အင်အားကြီးငလျင် လှုပ်ခဲ့ပြီးနောက် လအနည်းငယ်ခြား၍ ပြတ်ရွေ့ကြောတစ်လျှောက်ရှိ အခြားအပိုင်းများဖြစ်သော ဖြူး၊ ပဲခူး၊ တောင်ငူစသော ဒေသတို့တွင် အင်အားကြီးငလျင်များ လှုပ်ခတ်ခဲ့ဖူးသည်။ ထိုအတွေ့အကြုံအရ ငလျင်ကြောတစ်လျှောက်ရှိ အခြားဒေသများမှာလည်း မြေငလျင်အန္တရာယ်ကို အထူးသတိပြုရမည်ဖြစ်သည်။ ကီလိုမီတာ ၁၀၀၀ ခန့်ရှည်သော ကမ္ဘာ့အကြီးဆုံးသက်ရှိ ပြတ်ရွေ့များတွင် ပါဝင်သော စစ်ကိုင်းပြတ်ရွေ့ တလျှောက်တွင် ဧရိယာအလိုက် ပြတ်ရွေ့အပိုင်း ၁၀ ပိုင်းဝန်းကျင် ရှိကြောင်းလည်း ဦးစိုးသူရထွန်း ကပြောသည်။

    “စစ်ကိုင်းငလျင် ပြတ်ရွေ့ကြောမှာ နှစ်တစ်ရာအတွင်းမှာ တစ်ကြိမ် ရစ်ခ်ျတာစကေး ၇ ကနေ ၇ ဒသမ ၅ လောက် လှုပ်နိုင်တယ်။ ၁၉၅၆ ကနေ စတွက်ရင် အခု နှစ်ပေါင်း ၆၀ လောက်မှာ ၆ ဒသမ၈ လောက်နဲ့ ပြန်လှုပ်တာ ၁၉၃၀ မှာ ၇ ဒသမ ၃ နဲ့ ပဲခူးမှာ လှုပ်တယ်။ ပဲခူးမှာ လူငါးရာလောက်သေတယ်။ ရန်ကုန်မှာ ၅၀ လောက်သေတယ်။ အခုလူဦးရေက အဆမတန်များလာပြီ။” ဟု ဦးစိုးသူရထွန်းက ဆက်လက်ပြောသည်။

အဆောက်အအုံများကို ခိုင်ခံ့အောင် ဆောက်လုပ်ရန်နှင့် အဆောက်အအုံများ အရည်အသွေးမီ၊မမီနှင့်ပတ်သက်၍ အရည်အသွေး စစ်ဆေးသော လွတ်လပ်ပြီး အမှီအခို ကင်းသော ကြားခံ အဖွဲ့အစည်းများကို ဖွဲ့စည်းကာ စစ်ဆေးကြပ် မတ်သင့်ပြီဖြစ်ကြာင်း ဘူမိဗေဒပညာရှင် ဦးအေးကိုကလည်း အကြံပြုသည်။

    “အဓိကကတော့ အဆောက်အအုံတွေကို ခံနိုင်ရည်ရှိအောင် ဆောက်ရမယ်။ ဆောက်ပြီးသားတွေလည်း စစ်ဆေးပြီး ပြင်ဆင်သင့်တာပြင်ရမယ်။ လူတွေကလည်း ငလျင်နဲ့ ပတ်သက်ပြီး ဗဟုသုတရှိရမယ်။ ဖြစ်လာရင် ဘယ်လိုလုပ်ရမလဲဆိုတာတွေ သိထားသင့်တယ်။” ဟု ဦးစိုးသူရထွန်း က အကြံပြုသည်။ အဆောက်အအုံများခိုင်ခံ့အောင် ဆောက်လုပ်ရာတွင် အခြေခံအုတ်မြစ်၊ ထုတ်နှင့် တန်းများ၊ ဂျွိုင့်များကို ခိုင်ခံ့အောင် ဆောက်ရန် ဦးစောထွေးဇော်က အကြံပြုသည်။

မြေအောက်ရေတူးပါက ပေအနည်းငယ်နှင့် ထွက်သော ရေလျှံဒေသများတွင် မြေငလျင် လှုပ်ပါက ငလျင်ဒဏ်အပြင် ရေလျှံသည့်ဒဏ်ကိုပါ ခံရတတ်၍ သတိပြုရန် လိုကြောင်းလည်း ဒေါက်တာဝင်းဆွေက သတိပေးသည်။ ထို့ပြင် ရေကန်နှင့် မြစ်ချောင်း များပေါ်တွင် မြေဖို့၍ အဆောက်အအုံ များ ဆောက်လုပ် နေထိုင်ခြင်းကို ရှောင်ကြဉ်ရန်လည်း ၎င်းက အကြံပြုသည်။ ထို့ကြောင့် ပြည်သူများ အနေဖြင့် မြေငလျင်လှုပ်လာလျှင် မည်သို့ ပြုမူဆောင်ရွက် သင့်သည်ကို ကြိုတင်သိရှိရန် လေ့လာ ထားရန်၊ ဖြစ်နိုင်ပါက ကြိုတင် လေ့ကျင့်ထားရန် ပညာရှင်များက အကြံပြုသည်။

 အားမာန်၊ ခိုင်ထွန်း၊ အောင်ခိုင်
7Day News Journal

ငလျင်ဒဏ်ကြောင့် ရွှေဘိုခရိုင်၊ ကျောက်မြောင်းမြို့နယ်၊ မလားကျေးရွာရှိ အိမ်အဖီ တစ်ခု ပြိုကျနေသည်ကို တွေ့ရစဉ်

ဂူးဂဲလ်၏ အန်းဒရွိုက်စနစ်သုံး ဖုန်းများနှင့် အက်ပဲလ်၏ iPhone များ လွှမ်းမိုးနေသည့် စမတ်ဖုန်းဈေးကွက်ကို ထိုးဖောက်ရန်ရည်ရွယ်သည့် မိုက်ခရိုဆော့ဖ်၏ Windows Phone8(WP8) စနစ်ကို အောက်တိုဘာလ ၂၉ ရက်နေ့တွင် စတင်မိတ်ဆက်ခဲ့ပြီး ယင်းစနစ်ဖြင့်ထွက်ရှိမည့် ဖုန်းများကိုပါ ပြသသွားခဲ့သည်။
မိုက်ခရိုဆော့ဖ်၏ ကွန်ပျူတာနှင့် သင်ပုန်းကွန်ပျူတာများအတွက် မောင်းနှင်စနစ်သစ် Windows 8 ကို  ပြီးခဲ့သည့်အပတ်က စတင်မိတ်ဆက်ခဲ့ပြီးနောက် စမတ်ဖုန်းများအတွက် မောင်းနှင်စနစ်သစ်ကို သီးခြား မိတ်ဆက်ခဲ့ခြင်းဖြစ်သည်။
ဆန်ဖရန်စစ္စကိုတွင် ပြုလုပ်သော အခမ်းအနား၌ မိုက်ခရိုဆော့ဖ်စီအီးအို စတိဗ်ဘော်မာက HTC၊ Samsung၊ Nokia တို့၏ WP8 သုံးဟန်းဆက်များကို မိတ်ဆက်ခဲ့သည်။ အောက်တိုဘာလကုန်နှင့် နိုဝင်ဘာလအတွင်း WP8 သုံး ဖုန်းများကို ကမ္ဘာတစ်ဝန်း စတင်ရောင်းချမည်ဖြစ်သည်။
WP8 ၏ စွမ်းဆောင်ရည်များ
Home Screen နှင့် Lock Screen - ပြိုင်ဘက်စနစ်များထက် ပိုမိုထူးခြားသည့် အသွင်ရှိပြီး ကလေးများလက်ထဲ ဖုန်းထည့်ပေးသောအခါ Lock Screen တွင် ညာဘက်ဆွဲပြီး မဖွင့်ဘဲ ဘယ်ဘက်ဆွဲ ဖွင့်ပေးလိုက်ရုံဖြင့် ကလေးများအတွက် မိမိရွေးချယ်ပေးထားသည်များသာ သုံးနိုင်သည့် ဖုန်းတစ်လုံးအဖြစ် အသွင်ပြောင်းသွားမည်ဖြစ်ကာ အရေးကြီး အချက်အလက်များ ပျက်စီးနိုင်မည့်ဘေးမှ ကာကွယ်နိုင်မည်ဖြစ်သည်။ Lock Screen အနေအထားဖြင့်ပင် ဖေ့စ်ဘွတ်ခ်မှ ဓာတ်ပုံများကြည့်နိုင်ခြင်း၊ အခြားသတင်းအချက်အလက်များ၊ notification များကို ကြည့်နိုင်ခြင်း စသည့်အားသာချက်များ ပါရှိလာသည်။
Game နှင့် Application - အခြားမိုဘိုင်းစနစ်များတွင် ထိပ်ဆုံးရောက်နေသည့် Application ၅၀ အနက် ၄၆ မျိုးကို အခမ်းအနားတွင် နမူနာပြသွားခဲ့ပြီး Angry Bird၊ Cut the Rope စသော နာမည်ကြီးဂိမ်းအားလုံး WP8 တွင် ကစားနိုင်မည်ဖြစ်သလို Skype ကဲ့သို့သော ဗီဒီယိုစကားပြော Application များကို ဘက်ထရီမစားစေဘဲ ဖုန်းဖွင့်သည့်အချိန် တောက်လျှောက် Background တွင် ဖွင့်ထားနိုင်ခြင်း ကဲ့သို့သော စွမ်းဆောင်ရည်သစ်များကိုပါ ပြသသွားသည်။ Microsoft online shop တွင် အက်ပလီကေးရှင်း ၁၂၀၀၀၀ ရှိမည်ဖြစ်သည်။
Cloud Syncing - မိုက်ခရိုဆော့ဖ်၏ အားသာချက်အဖြစ် Windows 8 စနစ်သုံး ကွန်ပျူတာများနှင့် WP8 သုံးဖုန်းများတွင် Office ဆော့ဖ်ဝဲများကို အလွယ်တကူ ချိတ်သုံးနိုင်မည်ဖြစ်ပြီး ကွန်ပျူတာတွင် လုပ်ထားသည့်အလုပ်ကို မပြီးလျှင် ဖုန်းဖြင့်ဆက်လုပ်၊ ဖုန်းဖြင့် မပြီးသည်ကို ကွန်ပျူတာဖြင့် ဆက်လုပ်ခြင်းမျိုး ရနိုင်မည်ဖြစ်သည်။ Skydrive Cloud စနစ်လည်း ပါဝင်လာသည်။
Wallet နှင့် NFC စနစ်မှာ ပိုက်ဆံအိတ်နေရာတွင် အစားထိုးနိုင်ရန် ရည်ရွယ်ထားသည့် လုပ်ဆောင်ချက်ဖြစ်ပြီး ခရက်ဒစ်ကတ်များ အစားသုံးကာ ငွေချေနိုင်ရန် ရည်ရွယ်ထားသည်။ NFC (Near Field Technology) စနစ်ဖြင့်လည်း ငွေချေမှုပြုနိုင်မည်ဖြစ်သည်။
WP8 အတွက် အဓိကစိန်ခေါ်မှုမှာ လက်ရှိအန်းဒရွိုက်နှင့် အက်ပဲလ်၏ iOS စနစ်တို့က မိုဘိုင်းဈေးကွက်ကို လွှမ်းမိုးနေခြင်းအား ထိုးဖောက်ဝင်ရောက်နိုင်ရေး ဖြစ်သည်။     

 

“မြန်မာအစ တကောင်း က” တဲ့။ သမိုင်းသင်တဲ့ ဆရာမ က သင်ပေးခဲ့တာ။ မြန်မာစာ ဆရာမလည်း ခဏခဏ ပြောဖူးတယ်။ ဟိုးရှေးရှေးတုန်းက…….. အိန္ဒိယပြည် (မြန်မာတွေ ရဲ့ အခေါ်အရ ကုလားပြည်ပေါ့) မှာ ဘုရင် နှစ်ပါး စစ်ဖြစ်ကြတယ်တဲ့။ အဲဒီမှာ သာကီဝင် မင်းမျိုးဘုရင်က စစ်ရှုံးပြီး သူ့ရဲ့ မိဘုရားတွေ၊ မောင်းမတွေ၊ သားတော်တွေ၊ သမီးတော်တွေ၊ ဝန်ကြီးမှူးမတ်တွေ၊ စစ်သည်တော်သူရဲကောင်းတွေ၊ နန်းတွင်းသူ၊ နန်းတွင်း သားတွေခြွေရံသင်းပင်း အားလုံးနဲ့အတူ အိန္ဒိယပြည် အရှေ့ဘက် နယ်မြေကို အသက်လုထွက်ပြေး လာခဲ့ရသတဲ့။ အဲဒီလို ပြေးလာရင်း ခု မြန်မာနိုင်ငံလို့ခေါ်တဲ့ ဒေသကို ရောက်တော့ အဲဒီဒေသမှာ နေကြတဲ့ မြန်လည်းမြန်မာလည်းမာတဲ့ လူတွေကိုတွေ့သတဲ့။ အဲဒီလူတွေက မြန်တယ်၊ မာတယ် ဒါပေမဲ့ မယဉ်ကျေး ဘူးတဲ့။ အဲဒီ သာကီဝင်ဘုရင်က အဲဒီမြန်ပြီးမာတဲ့ မယဉ်ကျေးတဲ့လူတွေကို ယဉ်ကျေးအောင်သင်ပေး အုပ်ချုပ် မင်းလုပ် တိုင်းနိုင်ငံ ထူထောင်လိုက်သတဲ့ကွယ်။ နန်းစိုက်ရာမြို့ကို “တကောင်း” လို့ သမုတ်ပြီး အဲဒီ အချိန်က စပြီး ယဉ်ကျေးတဲ့ လူမျိုးတစ်မျိုးနဲ့ ယဉ်ကျေးမှုအသစ်တစ်ခုဟာ ကမ္ဘာပေါ်မှာ ပေါ်ပေါက်လာတော့သတဲ့။ အဲဒါ မြန်မာလူမျိုးနဲ့မြန်မာ့ယဉ်ကျေးမှု အစတဲ့။ အဲလိုနားရည်ဝနေရင်း……..
ကလေးဆိုတော့လည်း ကလေးအတွေးလေးနဲ့ ဆက်စပ်တွေးမိတာပေါ့နော်……..။ တင်ပြသူ ကလေးဘဝက သုတေသန ပြုခဲ့တဲ့သမိုင်းဆိုရင်လည်း မမှားပါဘူး။ ကလေးသမိုင်းပေါ့။ ကလေး တင်ပြသူ အတွေး သမိုင်း ကို ပြောပြမယ်နော်…… နားထောင်ကြပါနော်……။
သာကီဝင် ဘုရင်ဟာ အဲလို စစ်ရှုံးပြီးထွက်ပြေးလာပေမယ့်လည်း ဘုရင်တို့ရဲ့ အဆောင်အယောင် အပြည့်နဲ့ ပေါ့။ သန်လျှက်ကြီးကိုင်၊ ရွှေထီးဆောင်း၊ ပြိုးပြိုးပြက်ပြက် တွေဝတ်၊ အနားမှာ ဒူးထောက်ခစားသူတွေ အပြည့် နဲ့။ ထွက်ပြေးရင်း မြန်မာပြည် မြစ်ကမ်းဘေးတစ်နေရာထဲ ကို ရောက်တော့ နေလောင်ထားတဲ့ ကြေးနီရောင် မျက်နှာကြီးတွေနဲ့ အဝတ်ကပ်ရမှန်းတောင် မသိဘဲအပေါ်ပိုင်း ဗလာကျင်း နေတဲ့ ဒေသခံ ယောက်ျား မိန်းမ တွေဟာ အဲဒီ ခမ်းနားလှတဲ့ သာကီဝင်ဘုရင့် အရှိန်အဝါကိုမြင်ပြီး၊ မြေကြီးပေါ်ဒူးထောက်၊ မှောက်ရက်လှဲ၊ မော် တောင် မကြည့်ဝံ့ဘဲ ရှိခိုးကြတော့တာပေါ့။ အဲဒါနဲ့…..ဘုရင် က သူ့မှူးမတ်တွေဘက်လှည့် ဂုဏ်ယူဝင့်ကြွား စွာနဲ့ ကုလားလို “ဟမ် အဘီ ဘီ ရာဂျာဟယ်” (ငါ ဟာအခုထိ ဘုရင်ဘဲ) လို့ မိန့်တော်မူလိုက်တာပေါ့။ အဲဒါ ကိုကြားပြီး မြန်လည်းမြန် မာလည်းမာတဲ့ လူတွေက “ဟာ-ဒါဆို ဒီဘုရင်ကြီး ရဲ့ ဘွဲ့တော်ဟာ “အဘိရာဇာ” နဲ့တူတယ်လို့ထင်မှတ်လိုက်ကြပါလေရော။
အဲဒီလို နဲ့ သူတို့ဟာ ဘုရင်ကြီးသွားရာနောက် တစ်ကောက်ကောက်လိုက်၊ ဘုရင်ကြီးအတွက် နေထိုင်ဖို့ အိမ်တစ်လုံးဆောက်ပေး အဲဒါတွေ လုပ်ပေးကြတာပေါ့။ ဘုရင်ကြီးနဲ့ နောက်ပါတွေဟာအလွန်ယဉ်ကျေးမှုမြင့် တဲ့ အိန္ဒိယလူမျိုး တွေဆိုတော့ မြန်လည်းမြန်၊ မာလည်းမာတဲ့ လူတွေအတွက် ဘုရင်ကြီးနဲ့ နောက် ပါတွေရဲ့ နေထိုင်ပြု မူ ပြောဆိုဝတ်စားဆင်ယင်ပုံတွေဟာ မြင်မြင်သမျှ အဆန်းကြီးဖြစ်နေ တော့တာပေါ့နော်။
ဒီလိုနဲ့ နေလာကြရင်း ဒေသခံတွေကအချင်းချင်းတိုင်ပင်ကြတယ်၊ ဘုရင်ကြီး နဲ့ သူ့လူတွေ ရဲ့ လူမျိုး ကို ဘယ်လိုခေါ် ကြမလဲပေါ့။ တစ်ယောက်ကပြောတယ် သူတို့ကကွာတဲ့။ ဒေသကူးမြစ်ကူး ပြီးလာကြတာဆိုတော့ “ကူးလာ” လို့ခေါ်ကြရအောင်တဲ့။ အားလုံးကသဘောတူကြတယ်။ နောက်နောင်အချင်းချင်းပြောရင် “ကူးလာ” လို့ ရည်ညွှန်းသုံးနှုန်း ကြတာပေါ့နော်။ အဲ……ကာလရွေ့လျားလာတော့ အသံတွေပြောင်းပြီး”ကူးလာ” က နေ “ကုလား” လို့ ဖြစ်သွားတာပေါ့။ အိန္ဒိယ လူမျိုးဆိုရင် ကုလား ပေါ့။
အဲဒီလို နဲ့ တစ်နေ့ကျတော့ ဘုရင်ကြီးရဲ့ နောက်ပါတွေနေတဲ့ အဆောင်ဘက်ကို မြန် ၊ မာတဲ့ လူတွေက ဘာများအထူးအဆန်းတွေ့ ရမလည်းလို့ သွားချောင်းကြပါလေရော။ အဲလိုချောင်းကြည့်တော့ ဘာတွေ့ရ သလဲဆိုရင်၊ ကုလား၊ မိန်းမတွေဟာ သစ်သားနဲ့လုပ်ထားတဲ့ ထိုင်စရာတွေပေါ်မှာ အခန့်သားဟန်ကျပန်ကျ နဲ့ထိုင်နေတာကိုတွေ့ပြီး သဘောကျကြတာပေါ့။ အဲဒါကို ဘယ်လိုခေါ်ရင် ကောင်းမလဲ စဉ်းစားကြတယ်၊ တစ်ယောက်ကပြောတယ် ကုလားတွေထိုင်တာဆိုတော့ “ကုလားထိုင်” လို့ခေါ်ရအောင်ကွာတဲ့။ အိန္ဒိယ လူမျိုး တွေဆိုတာက အရမ်းအရှက်အကြောက်ကြီးတာဆိုတော့ သူတို့ရဲ့အိမ်ကို လာချောင်းတာကိုတွေ့သွားပြီး သူတို့ရဲ့အိမ်ထဲကို အပြင်ကနေ မမြင်အောင် ပါလာတဲ့ ပိတ်စကြီးတွေနဲ့ ကာလိုက်ကြရော။ အဲဒါကို မြင်ပြီး ဒေသခံတွေက “ဟာဘာကြီးတွေနဲ့ ကာလိုက်တာလဲ” လို့ အံ့အားသင့်ရေရွတ်မိကြတာပေါ့။ အဲဒီအခါ တစ်ယောက် က “ဪမင်းတို့ကလဲကွာ၊ ကုလားတွေကာတဲ့ ဟာတွေဆိုတော့ ကုလားကာပေါ့ကွာ” လို့ ပြောလိုက်တယ်လေ။ အဲဒီအချိန်ကစပြီး ဒီနေ့အထိ “ကုလားကာ” တဲ့ ခေါ်ဖြစ်သွားကြတာ။
အဲဒီ ကုလားတွေဟာ ဟိန္ဒူတွေ ၊ဆိုတော့ ဟိန္ဒူ ကုလားတွေဟာ ဘာသာတရား ရှိကြတော့ ဘုရားကျောင်းကြီးတွေ ကို လည်း ဆောက်ကြတယ်လေ။ ဘာကျောင်းဆောင်တွေလဲပေါ့။ “ဟာ-ကုလားတွေဆောက်တဲ့ ကျောင်းဆောင် ဆိုတော့ “ကုလားကျောင်း” ပေါ့ကွာတဲ့။ ဟိန္ဒူကုလားတွေဟာ သူတို့ ဘုရားရှိခိုး ပူဇော်ရာမှာ ခေါင်းလောင်း တွေကို သုံးတတ်ကြပေမယ့်၊ ခေါင်းလောင်းလုပ်ဖို့ ကြေးမရှိတော့ သစ်တုံးကိုထွင်းပြီး အသံမြည်အောင်ခေါက် ကြတယ်လေ။ အဲတော့ ဒေသခံတွေကထုံးစံအတိုင်း အံ့အားသင့်ကြတာပေါ့။ တုံတုံ နဲ့ခေါက်နေတာ ဘာလဲ ပေါ့။ တစ်ယောက် က “အိုကွာ-ကုလားတွေ ဘုရားတက်ရင် ခေါက်တာဆိုတော့ “ကုလားတက်” ပေါ့ကွာတဲ့။
ဒီလိုနဲ့ တစ်နေ့ကြတော့ အဲဒီကုလားတွေက ဒေသခံတွေကို သူတို့လက်ရာစားဖူးအောင် ဖွယ်ဖွယ်ရာရာ ကျွေးမယ်ဆိုပြီး အိန္ဒိယကနေရိက္ခာအဖြစ်ပါလာတဲ့ ပဲ တစ်မျိုး ကို ရေဆေး ကြတယ်လေ။ ဒေသခံတွေက အဲဒီ ပဲကို တစ်ခါမှ မမြင်ဖူးကြတော့ ဘာပဲလဲပေါ့။ ထုံးစံအတိုင်း အတွေးကောင်းတဲ့ တစ်ယောက်က “ကုလားတွေ စားတဲ့ ပဲ ဆို ကုလားပဲ” ပေါ့ကွာတဲ့။ ဟင်းတွေကျက်ပြီ ၊ စားဖို့လာကြတော့လို့ ခေါ်လိုက်တော့ ဒေသခံတွေက ဝမ်းသာအားရနဲ့ပြေးလာပြီး အားရပါးရတွယ်ကြတယ်လေ။ အဲဒီဟင်းကို အရမ်းကို ကြိုက်သွားကြတယ်။ အဲဒါနဲ့ ကုလားတွေချက်ကျွေးတဲ့ ပဲဟင်းကို “ကုလားဟင်း” လို့ ခေါ်စပြုလာကြတယ်။ ဪ အဲဒီ ဟင်းနဲ့ အတူစားဖို့ မရန်းသီး၊ သရက်သီး စတာတွေကို ဆီ၊ မဆလာတွေနဲ့သမပြီးစိမ် အချဉ်တည်ထားတဲ့ အစားအစာ တစ်မျိုး လည်းပါသေးတယ်။ အဲဒါ ကို လည်း ဒေသခံတွေ က အရမ်းအရသာတွေ့ပြီး “ကုလားတွေ တည်ထား တဲ့အချဉ် ဆိုတော့ “ကုလားတည်” ကွာလို့ ဝမ်းသာအားရ တစ်ညီတစ်ညွတ်တည်း ကင်ပွန်း တပ်လိုက်ကြ လေရဲ့။
အဲ…….ဒေသခံတွေ နဲ့ အတူ ကုလားတွေကလည်း စားသောက်ကြတယ်လေ။ အဲလို စားရင်း ကုလားတွေက အစိမ်းရောင် အတောင့်လေးတွေ ကို ကိုက်ကိုက်စားပြီး “အိုး-မာတာ၊ အရေး မာတာ” (အမလေး၊အမေရေ) လို့အော်ကြတယ်။ အဲဒါကိုမြင်ပြီး ဘာလေးတွေလည်းပေါ့၊ အတောင့်လေးတွေ။ တစ်ယောက်က “အယ်…… မင်းတို့ကလဲ၊ ကုလားတွေစားပြီးအော်တဲ့ အသီးလေးတွေကို “ကုလား အော်သီး” လို့ခေါ်ကြမယ်တဲ့လေ။ အဲလိုနဲ့ ထမင်းစားပွဲလည်းပြီးရော ဒေသခံတွေက ကိုယ့်အိမ်ကိုမပြန်သေးဘဲ သူတို့အကျင့်အတိုင်း အစားအစာတွေကို အိမ်ကိုပါသယ်ဖို့ စောင့်နေကြတာပေါ့။ ထမင်းတွေဟင်းတွေ အများကြီး ချက်ဧည့်ခံရတဲ့ အတွက် ကုလားတွေဟာ ပင်ပန်းပြီး ခြေပစ်လက်ပစ် အိပ်သွားကြပါလေရော။ဒေသခံတွေဟာ ကုလားတွေ ခြေပစ်လက်ပစ် အိပ်တာမြင်ပြီး ခွက်ထိုးခွက်လန်ရယ်ကြရင်း “ကုလားတွေအိပ်တာ သေနေသလိုဘဲ” လို့ လှောင်ပြောင်ပြောဆို ကြတယ်လေ။ ပြီးတော့ “အဲလို အိပ်တာမျိုး ကို ကုလားသေ ကုလားမော” လို့ ပြောကြရ အောင်လို့ အချင်းချင်းလက်ကုပ် သဘောတူကြတယ်။
အဲဒီ သာကီဝင် ကုလားဘုရင်ကြီးမှာ သားတော်နှစ်ယောက် ရှိတယ်လေ။ ကုလားစကားနဲ့ ဘုရင့်သားတွေ ကို “ရာ့ခ်ျ ကုမာရ်” (ရာဇ ကုမာရ်) (မင်းသား) လို့ခေါ်တယ်။ ဘုရင်ကြီးကတော့ ချစ်စနိုးနဲ့ သူ့သားတွေကို “ရာဂျာ” (မင်းသား) လို့ ခေါ်လေ့ရှိတယ်။ တစ်နေ့ဘုရင့်သားအကြီးက ဘုရင့်အနားမှာထိုင်နေရင်း ရုတ်တရက် ထထွက်သွားတယ်။ ဘုရင်က သူ့သားကို “ကဟာန် ရာဂျာကြီး” (ဘယ်တုန်း မင်းသားကြီး) လို့ လှမ်းမေးတာ ပေါ့။ အဲဒါကိုကြားတဲ့ ဒေသခံတွေက မင်းသားအကြီးရဲ့နာမည်ဟာ “ကံရာဇာကြီး” ဘဲလို့ မှတ်ထင်လိုက် ကြတယ်။ (“ကဟာန် ရာဂျာကြီး” ကို သူတို့နားနဲ့ ကံရာဇာကြီး လို့ကြားကြတာကိုး)။ ဒီတော့ မင်းသားကြီးက “ကံရာဇာကြီး” ဆိုရင် မင်းသားငယ်က “ကံရာဇာငယ်”ပေါ့လို့ သူတို့ဟာသူတို့ ယူဆလိုက်ကြပြန်တယ်။
ဩ……ဪ…..ပြောဖို့တစ်ခု ကျန်သွားတယ်။ အဲဒီ ကုလားတွေက အိန္ဒိယ ကနေ မြန်မာပြည်ဘက် လာတော့ သူတို့ရဲ့ ပစ္စည်း ပစ္စယ တွေကို ကျောကုန်းမှာ ဘုကြီးတွေပါတဲ့ တိရိစ္ဆာန် တွေပေါ် အဝတ်တွေ နဲ့အုပ်ပြီး တင်လာကြတယ်လေ။ အဲဒီ တိရိစ္ဆာန်မျိုးကို မမြင်ဖူးတဲ့ ဒေသခံတွေက အလွန်အံ့အားသင့်ခဲ့ ကြတယ်။ ဘာတိရိစ္ဆာန်လဲပေါ့။ တစ်ယောက်က “အေးကွာ…….ထူးတော့ထူးဆန်းတယ်၊ တစ်ခါမှ မမြင်ဖူးဘူး၊ ဘယ်လိုတိရိစ္ဆာန် မှန်းမသိဘူး၊ အိုဘာပဲဖြစ်ဖြစ်ကွာ၊ ကုလားတွေအုပ်ပြီး ခေါ်လာတဲ့ တိရိစ္ဆာန်တွေဆိုတော့ ခပ်လွယ်လွယ် “ကုလားအုပ်” လို့ခေါ် ကြတာပေါ့” လို့ပြောလိုက်လေရဲ့။ ကဲ……. တင်ပြသူကလေး ငယ်ငယ် ဘဝ အတွေးသမိုင်းလေးထဲက အတော်များများ ကို ပြန်ပြောင်းအောက်မေ့ ပြောပြပြီးပါပြီ။ အရွယ်ရောက်လာ တော့လည်း သမိုင်းကျွမ်းကျင်သူ၊ မြန်မာစာကထိက အတော်များများကို ဒီအကြောင်းပြောဖူးသေးတယ်။ အဲဒီ အတွေး ပြောပြတာ ပါးစပ် အဟောင်းသားလေးနဲ့ နားထောင်ကြရှာတယ်လေ။ ပြီးတော့ ဝါးလုံးကွဲအောင် ရယ်ကြတယ်။ပြီးတော့ပြောကြတယ်ဗျ “ဖြစ်နိုင်တယ်ဗျ”  တဲ့။

ရေးသူ – ဘကြီးတော် ကျာကျာကြီး

 အထင်နဲ့အမြင်

 " ကျွန်မသားလေး ရေနစ်တုန်းကဆယ်ပြီး အိမ်လာပို့ပေးတာ ရှင်မဟုတ်လား "
" ဟုတ်ပါတယ် ၊ ဒီလိုပေါ့ဗျာ ၊ ကြုံကြိုက်လို့ကယ်တာပဲဟာ ၊
ကျေးဇူးတင်ကြောင်း တကူးတကလာပြောစရာ မလိုပါဘူး "
" ကျေးဇူးတင်ကြောင်း လာပြောတာမဟုတ်ဘူးရှင့် ၊ သူ့လက်ကဟန်းချိန်းပါမလာလို့ "

 

သိပြီးသားနော်

အမျိုးသမီးတစ်ယောက် အိမ်မွေးတိရစ္ဆာန် အရောင်းဆိုင်တစ်ဆိုင်ရှေ့မှ ဖြတ်လျှောက်

စဉ် ဆိုင်ရှေ့ရှိ ကြက်တူရွေးတစ်ကောင်က"ဟ… တော်တော်ရုပ်ဆိုးတဲ့ မိန်းမပါလား"

ဟု လှမ်းအော်သည်။အမျိုးသမီးက စိတ်တိုသွားပြီး ဆိုင်ရှေ့မှ ခပ်သွက်သွက် လျှောက်

သွားသည်။ အိမ်အပြန်တွင် ထိုဆိုင်ရှေ့မှ ဖြတ်လျှောက်ရပြန်ရာ ကြက်တူရွေးက ထပ်မံ

၍ "အလိုဗျာ… တော်တော်အရုပ်ဆိုးတဲ့ မိန်းမပဲ" ဟု အော်ပြန်သည်။

 

memory stick ကောင်းမကောင်းစမ်းဖို.ရာအတွက်ဆော့ဝဲလေးပါ (အိုင်တီမန်းရဲ.ဒိုင်ယာရီဘလော့ကနေ ကူးချပါသည်)

စာဖတ်သူဆီမှာရှိတဲ့ Memory Stick ကောင်းမကောင်း စမ်းသပ်ချင်ရင်တော့ Check Flash ဆိုတဲ့ ဆော့ဖ်ဝဲလေးတစ်ခု ရှိပါတယ်။ install လုပ်စရာမလိုပါဘူး။ သူ့ကိုဖွင့်ပြီး Start ကို နှိပ်လိုက်ရုံပါပဲ။ တကယ်လို့များ Memory မှာ error ရှိခဲ့မယ်ဆိုရင် အနီရောင်အတုံးလေးတွေ ပေါ်လာမှာပါ။ ဒါ့အပြင် ဒီဆော့ဖ်ဝဲကို read speed နဲ့ write speed ကို တိုင်းတာဖို့အတွက်လည်း အသုံးပြုနိုင်ပါသေးတယ်။




(-www.mediafire.com)