! ကျွန်ုပ်၏ပြတိုက် !

နိုင်ငံရေး အကျဉ်းသားဟောင်း ကိုနေမျိုးဇင်ဟာ မအူပင်အကျဉ်းထောင်မှာ မေလ ၂ ရက်နေ့က အကြည် ညို ပျက်စေမှု ပုဒ်မ ၅၀၀ နဲ့ ထောင်ဒဏ် ၃ လ ကျခံနေရစဉ်မှာ ထောင်ကြွေးကျန် နောက်ထပ် ၆ နှစ် ထပ်မံ ကျမှတ်ခံလိုက်ရပါတယ်။ 




ယမန်နှစ် ဆန်းပိုင်းက လွတ်ငြိမ်းချမ်းသာခွင့် အမိန့်နဲ့ လွတ်မြောက်လာပေမယ့်ထောင်ကြွေးကျန် ၆ နှစ်ကို အခု ပြစ်ဒဏ်ခံစားနေရချိန် အခုလို ထပ်မံချမှတ်လိုက်တဲ့အပေါ် ထိုင်းနိုင်ငံ အခြေစိုက် နိုင်ငံရေး အကျဉ်း သားများ ကူညီစောင့်ရှောက်ရေး အသင်း AAPP က သဘောထား တရပ် ထုတ်ပြန်ခဲ့ပါတယ်။ 
                        ဗိုလ်ကြီးဟောင်းနေမျိုးဇင်အား ကြွင်းကျန်ထောင်ဒဏ် ချမှတ်ခြင်းအပေါ်
                                                  သဘောထားထုတ်ပြန်ချက်

ရက်စွဲ မေလ ၈ ရက်၊ ၂၀၁၃ ခုနှစ်

ဗိုလ်ကြီးဟောင်းနေမျိုးဇင်အား ပြည်ထဲရေးဝန်ကြီးအမိန့်ဖြင့် မေလ ၇ ရက်နေ့တွင် မအူပင် ခရိုင် အုပ်ချုပ်ရေးမှူး ဦးအေးသောင်းက မအူပင်အကျဉ်းထောင်တွင်း လာရောက်၍ ပထမကျခံထားသည့်
ပြစ်ဒဏ်(ယခင်ပြစ်မှုအဟောင်း) အထဲမှ ၆ နှစ်ကျခံစေဟု အမိန့်စာ ဖတ်ကြားခဲ့သည်ဟု သူ၏
မိသားစုများမှ တဆင့်သိရှိရပါသည်။

ဗိုလ်ကြီးဟောင်းနေမျိုးဇင်သည် ပန်းတနော်ဒေသခံ လယ်သမားတွေအတွက် အကူအညီပေး ရင်း အဖမ်းခံခဲ့ရခြင်းဖြစ်ပြီး အသရေဖျက်မှုဖြင့် စွဲချက်တင်ကာထောင်ဒဏ် ၃ လ ကျခံစေရန် (သို့မ ဟုတ်) ငွေဒဏ် ၂ သောင်းကျပ် ပေးဆောင်စေရန် ပန်းတနော်တရားရုံးမှ မေလ၂ ရက် နေ့တွင် ချမှခဲ့ခြင်းဖြစ်သည်။

ဦးနေမျိုးဇင်မှ ငွေဒဏ်မပေးဆောင်ပဲ ငြင်းဆိုခဲ့သည့်အတွက် မအူပင် အကျဉ်းထောင်သို့ပို့ဆောင် ပြီး ထောင်ဒဏ်ချမှတ်ခဲ့ခြင်းဖြစ်သည်။

ထို့နောက် တောင်သူ ၁၀၀ ကျော်မှ ဒဏ်ငွေ ကျပ်ငွေ ၂ သောင်းအား မေလ ၇ ရက်နေ့ ၂၀၁၃ ခုနှစ်တွင်
ပေးဆောင်ခဲ့သော်လည်း ညနေပိုင်းတွင် အထက်ပါ ကြွင်းကျန် ပြစ်ဒဏ်ကို ကျခံစေရန် အမိန့်ချမှတ် ခဲ့ခြင်းဖြစ်သည်။

ဗိုလ်ကြီးဟောင်း ဦးနေမျိုးဇင်သည် ၂၀၁၁ ခုနှစ် သြဂုတ်လတွင် ဖမ်းဆီးခံခဲ့ရပြီး အီလက်ထရောနစ် ပုဒ်မ (၃၃ က)ဖြင့် ထောင်ဒဏ် ၁၀ နှစ်ပြစ်ဒဏ်ချမှတ်ခံခဲ့ရသူတဦးဖြစ်သည်။

ရခိုင်ပြည်နယ် ပဋိပက္ခများ စုံစမ်းရေး ကော်မရှင်၏ အကြံပြုချက်အရ ပဋိပက္ခများ ပိုမိုဆိုးရွားမလာစေရန် တရားမ၀င် ဆက်လက် ၀င်ရောက်လာသူများကို ဟန့်တားရေးနှင့် ထိရောက်စွာ အရေးယူရန်တို့အတွက် လိုအပ်သည့် လုံခြုံရေးဆိုင်ရာ အစီအမံများ ချမှတ်သွားမည်ဟု သမ္မတ ဦးသိန်းစိန်က ပြောသည်။
ယမန်နေ့ည ၈ နာရီတွင် ရခိုင်ပြည်နယ် ပဋိပက္ခများ စုံစမ်းရေး ကော်မရှင်၏ အစီရင်ခံစာနှင့် စပ်လျဉ်း၍ ရုပ်သံမှတဆင့် ပြောကြားသော မိန့်ခွန်းတွင် “အစိုးရအနေနဲ့ ရခိုင်ပြည်နယ်အတွင်မှာ မူလက ရောက်ရှိနေကြတဲ့ အစ္စလမ်ဘာသာ ကိုးကွယ်သူများအား လူသားချင်း စာနာထောက်ထားသည့်အနေဖြင့် သူတို့ရဲ့ အခြေခံရပိုင်ခွင့်များနဲ့ အခွင့်အရေးများကို လက်တွေ့အကျဆုံး နည်းလမ်းများနဲ့ အရေးယူ ဆောင်ရွက်သွားမှာ ဖြစ်သလို ရခိုင်တိုင်းရင်းသားများရဲ့ ခံစားမှုနှင့် လိုလားချက်များကိုလည်း လုံးဝလျစ်လျူရှုမှာ မဟုတ်ကြောင်း” ဟုလည်း သမ္မတ ဦးသိန်းစိန်က ထည့်သွင်း ပြောကြားသွားသည်။
ထို့အပြင် နိုင်ငံသား ဖြစ်ခွင့်ရှိသူများ နိုင်ငံသားဖြစ်ရေး ကိစ္စရပ်များကိုလည်း ရေတို ရေရှည် စီမံချက်များ ချမှတ် ဆောင်ရွက်သွားမည်ဟု ဆိုသည်။
ရခိုင်ပြည်နယ် ပဋိပက္ခများ စုံစမ်းရေး ကော်မရှင်၏ အကြံပြုချက်များအနက် အဓိက အချက်များတွင် ပထမဆုံး ဆောင်ရွက်ရမည့် အချက်မှာ နယ်မြေဒေသ တည်ငြိမ်အေးချမ်းရေးနှင့် ပဋိပက္ခများ ထပ်မံ မဖြစ်ပွားရေးအတွက် တရားဥပဒေ စိုးမိုးရေး အစီအမံများ ချမှတ်ဆောင်ရွက်ရေး ဖြစ်ကြောင်း သမ္မတ ဦးသိန်းစိန်က ပြောသည်။
ပဋိပက္ခကြောင့် အိုးအိမ် မီးရှို့ခံရသူများ၊ အိုးအိမ်စွန့်ခွာ နေရသူများသည် ပဋိပက္ခ ဆက်လက် ဖြစ်ပွားလာမည်ကို စိုးရိမ်နေကြကြောင်း၊ ဘူးသီးတောင် မောင်တောဒေသများတွင် လုံခြုံရေးကို ယခင်ကထက် ရခိုင်အမျိုးသား ဒီမိုကရေစီ အဖွဲ့ချုပ် ဥက္ကဌ ဦးအေးသာအောင်က ဆိုသည်။
ဦးအေးသောအောင်က ဆက်လက်၍ “တရားမ၀င် ၀င်ရောက်မလာဖို့အတွက် နယ်စပ်လုံခြုံရေးကို ပိုချပေးဖို့၊ နယ်စပ်လုံခြုံရေး ယူထားတာ မလုံလောက်မှု၊ နယ်စပ်မှာ သံစည်းရိုးနဲ့သာ ခံထားတဲ့အတွက် ကျူးကျော်တဲ့သူတွေက နည်းမျိုးစုံ ကျော်တက်လာလို့ရတယ်။ လုံခြုံရေးကို တင်းတင်းကျပ်ကျပ် လုပ်သင့်တယ်” ဟု ဦးအေးသာအောင်က ပြောသည်။
မြန်မာနိုင်ငံလုံးဆိုင်ရာ မော်လ၀ီအဖွဲ့ချုပ် အထွေထွေအတွင်းရေးမှူး ဦးရဲနောင်သိန်းက “ကျနော်တို့ နယ်စပ်ကတော့ ကျနော်တို့ ထိန်းသိမ်းရမယ်လေ။ တရားမ၀င် ခိုးဝင်လာတဲ့သူကို တင်းကျပ်စွာတားမြစ်ရမယ်။ ထိရောက်တဲ့ ဥပဒေနဲ့အညီ အရေးယူရမှာပေါ့” ဟု ပြောသည်။
ဒီမိုကရေစီ ပြုပြင်ပြောင်းလဲရာတွင် နိုင်ငံသားတိုင်း မိမိတို့ ယုံကြည်ရာ ဘာသာတရားကို လွတ်လပ်စွာ ရွေးချယ်ကိုးကွယ်ပိုင်ခွင့်နှင့် လွတ်လပ်စွာ ထုတ်ဖော်ပြောဆိုခွင့် ရရှိစေရန်လည်း ကြိုးပမ်းဖော်ဆောင်ကြောင်း သမ္မတ ဦးသိန်းစိန်က မိန့်ခွန်းတွင် ထည့်သွင်းပြောကြားသည်။
ထို့အပြင် ပဋိပက္ခများအတွင်း ဖြစ်ပွားခဲ့သော ဥပဒေ ချိုးဖောက်မှုများကိုလည်း ဘက်လိုက်မှု မရှိစေဘဲ ထိရောက်စွာ အရေးယူသွားမည်ဟုလည်း ပြောဆိုခဲ့သည်။
သို့သော် ပြီးခဲ့သည့် လပိုင်းက မြန်မာနိုင်ငံ အလယ်ပိုင်းတွင် ဖြစ်ပွားခဲ့သည့် ပဋိပက္ခများတွင် လုံခြုံရေးတပ်ဖွဲ့များ၏ ထိရောက်စွာ မကိုင်တွယ်နိုင်ခဲ့မှုအပေါ် ဝေဖန်မှုများလည်း ထွက်ပေါ်နေသည်။
သမ္မတ ဦးသိန်းစိန်က ရခိုင်ပြည်နယ် ပဋိပက္ခများနှင့် ပတ်သက်၍ အစိုးရအနေဖြင့် လက်တွေ့ကျသော နည်းလမ်းများနှင့် ကိုင်တွယ် ဖြေရှင်းပြီး အနာဂတ်တွင် ငြိမ်းချမ်းစွာ အတူယှဉ်တွဲ နေထိုင်နိုင်သည့် လူ့အဖွဲ့အစည်း ပေါ်ပေါက်ရေးကို ရှေးရှုကြောင်း ပြောကြားသွားသည်။ ထို့အပြင် စိတ်ခံစားမှုများကို ရှေ့တန်းတင်ခြင်းနှင့် လွဲမှားသော အယူသီး အစွန်းရောက် လုပ်ရပ်များကြောင့် ဆုံရှုံးမှုနှင့် အန္တရာယ်များ ကြုံတွေ့နိုင်ကြောင်း၊ အလားတူ ပဋိပက္ခများ မဖြစ်ပွားစေရန် တဦးချင်းစီတွင် တာဝန်ရှိကြောင်းလည်း ထည့်သွင်းပြောကြားသည်။
မြန်မာနိုင်ငံလုံးဆိုင်ရာ မော်လ၀ီအဖွဲ့ချုပ် အထွေထွေအတွင်းရေးမှူး ဦးရဲနောင်သိန်းက ဘာသာတချို့၏ အယူသီးမှု၊ အစွန်းရောက်မှုကြောင့် ဘာသာတခုနှင့်တခု ပေါင်းစည်းမှု ခက်ခဲကြောင်း၊ မြန်မာ နိုင်ငံထဲတွင် အတူတကွနေထိုင်ပြီး တဦးကိုတဦး အသားအရေ၊ လူမျိုးဘာသာ မခွဲခြားဘဲ ငါ့တိုင်းငါ့ပြည်ဟု သဘောထား နေထိုင်ကြမည်ဆိုပါက ဘာသာရေး ပဋိပက္ခဖြစ်လာမည် မဟုတ်ကြောင်း ဆိုသည်။
ပဋိပက္ခများ ဖြစ်ပွားခဲ့ရခြင်းနှင့် ပတ်သက်၍ သမ္မတ ဦးသိန်းစိန်က သမိုင်းကြောင်းနှင့် ချီ၍ ဒီမိုကရေစီရေချိန် နိမ့်ပါးခြင်း၊ ပွင့်လင်းလွတ်လပ်သည့် လူ့အဖွဲ့အစည်းကို မတည်ဆောက်နိုင်ခြင်း စသည့်အချက်များကို ထောက်ပြပြောဆိုသွားသည်။
ရခိုင်ပြည်နယ် ပဋိပက္ခ ဒုက္ခသည် ၁ သိန်းကျော်နှင့် စပ်လျဉ်း၍ မိုးမကျမီ အမိုးအကာအောက် ရောက်ရှိရေး၊ ကလေးသူငယ်များ အဟာရပြည့်ရေး၊ စိတ်ပိုင်းဆိုင်ရာ နာကျင်မှုများနှင့် မလုံခြုံမှုများ ကုစားရေး၊ ကူးစက်ရောဂါများ ဟန့်တားရေးတို့ကို သမ္မတ ဦးသိန်းစိန်က ပြောဆိုသွားသည်။ ထို့အပြင် ယင်းသို့ ပြန်လည် ထူထောင်မှုများတွက် နိုင်ငံတကာ အကူအညီများကို ရယူသွားမည်ဟု ပြောကြားသည်။
ရခိုင်ပြည်နယ် ပဋိပက္ခများ ဖြစ်ပွားပြီးနောက် NGO များ၊ နိုင်ငံတကာ NGO များကို ယင်းဒေသများသို့ ဝင်ရောက်ခွင့် မပေးမှုနှင့် ပတ်သက်၍ မြန်မာအစိုးရသည် ဝေဖန်မှုများ ခံခဲ့ရသည်။ သမ္မတ ဦးသိန်းစိန်၏ မိန့်ခွန်းတွင်မူ လူသားချင်း စာနာထောက်ထားမှု အကူအညီပေးရေးဆိုင်ရာ ခေါင်းစဉ်နှင့် ရခိုင်ဒေသသို့ ဝင်ရောက်လုပ်ကိုင်ခဲ့သည့် နိုင်ငံတကာ အဖွဲ့အစည်းအချို့၏ လုပ်နည်းကိုင်နည်း အမှားများကြောင့် ပြဿနာများ ပိုမိုရှုပ်ထွေး နက်ရှိုင်းခဲ့သည်ဟု ဝေဖန်ထားသည်။
ရခိုင်ပြည်နယ်တွင် ဖြစ်ပွားခဲ့သည့် ပဋိပက္ခများနှင့် ပတ်သက်၍ လူပေါင်း ၂ ထောင်ကျော်အား ကွင်းဆင်း မေးမြန်းချက်များအပေါ် အခြေခံသည့် အစီရင်ခံစာကို ရခိုင်ပြည်နယ် ပဋိပက္ခများ စုံစမ်းရေးကော်မရှင်က အများပြည်သူသို့ ဧပြီ ၂၉ ရက်နေ့တွင် ထုတ်ပြန်ခဲ့သည်။
အစီရင်ခံစာတွင် ဖော်ပြချက်အရ ၂၀၁၂ ခုနှစ် ပဋိပက္ခများအတွင်း လူပေါင်း ၁၉၂ ဦး သေဆုံးပြီး ၂၆၅ ဦး ဒဏ်ရာရရှိခဲ့ကာ နေအိမ်ပေါင်း ၈၆၁၄ လုံး ပျက်စီးခဲ့ကြောင်း သိရသည်။
ref :burma.irrawaddy

မလေးရှား မြန်မာမွတ်စလင်မ် အသင်း ဒုတိယအကြိမ် အစ္စလာမ့်ရေးရာ ဟောပြောပွဲတွင် ဂျီဟာဒ် အကြောင်း ဒေါက်တာမြင့်သိန်း မှ ရှင်းလင်း ဟောပြောစဉ်

သူငယ်ချင်း၊ မပြောမပြီး မတီးမမြည်မလို့  ပြောစရာရှိတာ ပြောရအုံးမယ်။ မင်းနဲ့ ငါက မူကြိုကတည်းက ပုခုံးဖက်ကြီး လာတယ်။ မင်းအမေနဲ့  ငါ့အမေက ငယ်သူငယ်ချင်းတွေဆိုတော့ မင်းနဲ့ ငါ ပိုပြီး သူငယ်ချင်းသံယောဇဉ်ကြီးခဲ့တယ်။ နေတဲ့ ရပ်ကွက်ချင်းကလည်းတူတော့ မင်းအိမ်မှာငါလာကစားသလို ငါ့အိမ်လည်း မင်းရဲ့ စားအိမ်သောက် အိမ်ဖြစ်ခဲ့တယ်။ နှစ်တွေဘယ်လောက်ပြောင်းပြောင်း ဘယ်နှစ်တန်းရောက်ရောက် အရပ်ပုတဲ့ မင်းနဲ့ ငါ ရှေ့ ဆုံး တန်းမှာ အတူတူထိုင်ရလို့  မင်းနဲ့ငါက ဘယ်သွားသွား တပူးတွဲတွဲပိုဖြစ်ခဲ့တယ်။ ဆေးလိပ်တစ်လိပ်ကို အတူတူ စမ်းသောက်ခဲ့လို့  ဆေးလိပ် စသောက်တတ်တဲ့ နေ့ နဲ့  စသောက်ဖြစ်တဲ့ဆေးလိပ်တောင် တလိပ်တည်းဖြစ်ခဲ့တယ်။
ရှစ်တန်းပြီးလို့  အထက်တန်းကျောင်းပြောင်းမှ မင်းနဲ့ငါကျောင်းကွဲသွားတယ်။ တက္ကသိုလ်တွေ ဆက်တက်ရင်း တယောက်တ မြို့ ပြောင်းရင်း ၁၀ နှစ်ကျော်မှ ဖေ့စ်ဘွတ်မှာ ပြန်တွေ့ ရတော့ ငါ့သိပ်ဝမ်းသာတယ် သူငယ်ချင်း။ မင်းပို့ ပေးတဲ့ ငါတို့ ငယ်ငယ်တုန်းက တွဲရိုက်ထားတဲ့ဓာတ်ပုံကိုလည်း ငါ့ဖေ့ဘွတ်မှာ တင်ထားတယ်။
ဒါပေမဲ့ မင်းရဲ့  ခုတလော ဖေ့ဘွတ်စတေ့တပ်မှာ ကုလား ကုလား ဆိုပြီး ပြောနေတာတွေ သတိထားမိတယ်။ ပေါက်တတ်ကရဖြစ်နေတဲ့ ရခိုင်အရေး ဘာမှမပြောချင်လို့  ပါးစပ်ပိတ်နေပေမယ့် မနေ့ ညက “ထမင်းကျွေးတဲ့လက် ပြန်ကိုက်တယ်” ဆိုတဲ့ စတေ့တပ်တခု ပြန်ရှဲထားတာတွေ့ လို့  ငါဒီစာကိုရေးလိုက်တယ်။ မင်းဘယ်တုန်းက ကုလားမုန်းတီးရေး ဇာတ်ထဲဝင်သွားလဲ ငါမသိဘူးလိုက်သူငယ်ချင်း။
ပထမဦးဆုံးအနေနဲ့  မင်းရဲ့ ငယ်သူငယ်ချင်း (ငါ့ကိုသူငယ်ချင်းလို့ သတ်မှတ်သေးရင်) ငါက ကုလားဆိုတာ မင်း အမှတ်ရစေချင်တယ်။ ငယ်ငယ်တုန်းက “ကုလား” ဆိုတဲ့ စကားလုံးကြားရင် ငါတော်တော်ခါးသီးတယ်ဆိုတာ မင်းအသိပဲ။ ငါ့ကို ဆရာမတွေက ကုလားလေး ကုလားလေး ဆိုပြီး ခေါ်တာလည်း ငါသေလောက်အောင် မုန်းတယ်။ ကုလားဆိုပြီးအခေါ်ခံရတိုင်း အသည်းနှလုံးထဲကို အပ်နဲ့ ထိုးမွေခံ လိုက်ရသလိုနာကျင်တယ်။ စကားများချင်းအတူတူ သမိုင်းဆရာမက ငါ့ကို စကားများတယ် ဒီကုလားဆိုပြီး ပါး ရိုက်တုန်းက ငါ ကျောင်းထွက်ဖို့ အထိလုပ်တာ မင်းအသိပဲ။
ဒါပေမဲ့ အခုရခိုင်-ရိုဟင်ဂျာပြသနာဖြစ်တော့ ငါ့စိတ်ပြောင်းသွားပြီ။ ငါတို့ ဖက်က တသက်လုံးပြောလာတယ်။ ငါတို့ တွေက မြန်မာပြည်မှာမွေး မြန်မာပြည်မှာကြီးတဲ့လူတွေ၊ မြန်မာပြည်က ငါတို့ ပြည်၊ ငါတို့  အားထားရာ၊ ငါ တို့ သစ္စာထားရာ၊ ငါတို့ အလုပ်အကျွေးပြုရာမြေဆိုတာ။ ပြောရပေါင်းလည်းများပြီ။ တောင်းပန်ရပေါင်းလည်း များပြီ။ အောက်ကျို့  နှိမ့်ချရပေါင်း လည်းများပြီ။ မင်းတို့ ခြေဖက်နမ်းပြီး တောင်းပန်တောင် အားရကျေနပ်ကျမယ်မထင်ဘူး။
မင်းတို့ တွေ ဆဲသမျှ ဆိုသမျှခံရတာ ငါတို့  ကုလားတွေချည်း မဟုတ်တော့ဘူး။ ငါတို့  ဘုရားလည်း အစော်ကားခံရပေါင်းများပြီ။ ငါတို့  သည်းခံနေသလောက်၊ နှုတ်ပိတ်ပြီး နေပေးနေသလောက် မင်းတို့ ဘက်က အားမရသေးဘဲ ပိုလို့ တောင် ဆိုးလာနေတော့ ငါတို့ လည်း မြန်မာဆိုပြီး ဇွတ်ခံယူနေစရာမလိုတော့ဘူး။ အခု ငါ့ကိုငါ ကုလားလို့ ပဲ ခံယူတယ်။ ရှေ့ဆက်လည်း ငါ့ကိုငါ ကုလားလူမျိုး လို့  ပဲခေါ်မယ်။ ဟုတ်တယ်လေ။ ငါတို့ က မြန်မာဖြစ်ချင်ပါတယ်ဆိုပြီး ပြောနေတာ မင်းတို့ က မှ လက်မခံတာကိုး။ အတ္တတွေဖုံးပြီး မကြားနိုင်တာလား၊ အမုန်းတရားတွေပွားပြီး ကန်းနေတာလားတော့ မသိဘူး ငါတို့ ကို ကုလား ကုလားဆိုပြီးခေါ်၊ ကုလား လူမျိုးဆိုပြီပြောနေ တယ်မလား။ တနေ့ တချိန်မှာ ငါတို့ ဟာ ကုလားလူမျိုးဖြစ်တယ်ဆိုပြီး ကိုယ့်ကိုကိုယ် ကြွေးကြော်တဲ့အခါ “မင်းတို့  ဟာ မြန်မာတွေပါ၊ မြန်မာပြည်မှာ မွေးလို့  မြန်မာ့အကျိုးကို သယ်ပိုးပါ၊” လို့  လာမပြောမိစေနဲ့ ။ ကုလားအကျိုး ဦးစိုက်လုပ်ခါမှ မြန်မာအကျိုးသယ်ပိုးပါလို့  မပြောမိစေနဲ့ ။ ငါတို့ မြန်မာပါဆိုတာ မင်းတို့ က လက်မခံဘဲ ကုလားဆိုပြီး အစွမ်းကုန်နှိပ်ကွပ်နေကြတယ်။ ငါတို့ ကို မြန်မာနဲ့  ဘာမှမဆိုင်သလို ပြောချင်သလို ပြော ဆဲချင်သလိုဆဲ နေကြတာကိုတော့ ဒီတသက်မမေ့ဘူးသူငယ်ချင်း။
ငါတို့ မိသားစု၊ ငါတို့ အသိုင်းအ၀ိုင်းအားလုံး ဗမာအ၀တ်အစားဝတ်၊ ဗမာလိုနေ၊ ဗမာစကားပြောတာ မင်းအသိ နော်။ ငါ့ဆီမှာ ကုလားအကျီအရှည်တထည်မှ မရှိတာလည်း မင်းအသိ။ ဗလီအုပ်ထုပ် တောင်မှ ဗလီအ၀င်မှ ဆောင်း၊ ပလီကထွက်တာနဲ့  ခေါက်ပြီး အိပ်ကပ်ထဲထည့်ပြန်လာတယ်။ ငယ်ငယ်တုန်းက လူမြင်မှာစိုးလို့ ဆိုပြီး အုပ်ထုပ်အမည်းရောင်တထည် မင်းနဲ့ အတူသွားဝယ်ဖူးတာ မင်းမှတ်မိလေမလားပဲ။ ငါ့အဖေအမေ၊ ငါ့အဖိုးအဖွား၊ ငါ့ဦးလေး အဒေါ်တွေအားလုံးလည်း ကုလားလိုဝတ်တာ တယောက်မှမရှိဘူးဆိုတာ မင်းမျက်မြင်ပဲ။ ငါ့အမေအမ တွေလည်း ဘုရားဝတ်ပြုမှ၊ ကျမ်းစာဖတ်မှ ဆံပင်လုံရုံ ပုဝါခြုံတာပါ။ အကျီအရှည်ကြီးတွေ မ၀တ်မသလို ခေါင်းတွေ မျက်နှာ တွေမအုပ်ထားပါဘူး။ ဗမာမဖြစ်ဖြစ်အောင် အတင်းလိုက်လုပ် နေတာမ ဟုတ်ဘူး သူငယ်ချင်း။ ယဉ်ကျေးမှုနဲ့ ဘာသာရေး ကွဲကွဲပြားပြားကျင့်သုံးတာပါ။
တခါတလေစဉ်းစားမိတယ်။ ဒီလောက် မြန်မာလိုနေတာကို မြန်မာမဟုတ်ဘူး၊ ကုလားပါဆိုပြီးပြောနေမှတော့ ငါ့မိသားစု ငါ့အသိုင်းအ၀ိုင်းနဲ့ ငါတို့  ကုလားတွေအားလုံး ကုလားလိုနေ၊ ကုလားစကားပြော၊ ကုလားလိုဝတ်စားကြအောင်ပဲ ကမ်ပိန်းလုပ်ရရင်ကာင်းမလားလို့ ။ ကုလား ကုလားပီပီ နေပြကြလိုက်တာပေါ့။ မကောင်းဘူးလား။ အပြောခံနေရမှတော့ မထူးဘူးလေ၊ လက်တွေ့ လုပ်ပြလိုက်ကြည့်ချင်တာပေါ့ကွာ။ ငါ့အဖေကိုလည်း တိုက်ပုံဝတ်မဲ့အစား ကုလားအကျီရှည်ပဲပြောင်းဝတ်ပါလို့ ပြောမယ်။ ငါလည်းဒီလိုပဲ ၀တ်မယ်။ ငါ့အမေ အမ တွေကိုလည်း မြန်မာဆန်ဆန်ဝတ်မဲ့အစား အ၀တ်အရှည်တွေဝတ်ပြီး ခေါင်းဆောင်းဖို့ ပြောမယ်။ ငါ့အသိုင်းအ၀ိုင်းထဲမှာလည်း ဒီလိုပဲဝတ်ခိုင်းမယ်။ ငါတို့ တမိသားစုလုံး ကုလားစကားမတတ်ဘူးဆိုတာလဲ မင်းအသိ။ ငါတို့ တော့ အသက်ကြီးပြီ မသင်နိုင်တော့ဘူး။ ဒါပေမဲ့ ကုလားပီသအောင် ငါတို့ အသိုင်းအ၀ိုင်းထဲက ကလေးတွေ နောင်လာနောက်သားတွေကို ကုလား စကားပြောတတ် အောင်သင်ပေးမယ်။ ကုလားစကားပဲပြောခိုင်းမယ်။ မြန်မာယဉ်ကျေးမှုထက် ကုလားယဉ်ကျေးမှုကို ပိုပြီး အားပေးမယ်။ ငါတို့ ဖက်က မင်းတို့ ခေါ်ခေါ်နေတဲ့ ကုလားလို ပီပီသသနေလာခါမှ မြန်မာ့ယဉ်ကျေးမှုကို မလေးစားဘူးလို့ မ ပြောမိစေနဲ့ သူငယ်ချင်း။ မင်းတို့ ပြောပြောနေတဲ့ ဒေါင်းယောင်ဆောင်တဲ့ ကျီးလို့  အခေါ်ခံရမဲ့အစား ကုလား ကုလားလိုနေပြလိုက်ချင်တယ်ကွာ။
စကားလုံးတွေနဲ့  ချိန်းခြောက်နေတာမဟုတ်ဘူးသူငယ်ချင်း။ စိတ်ထဲမှာ ရှိနေတာကို ရင်ဖွင့်တာ။ ငါက ငယ်ကျင့်မ ပျောက်သေးဘူးလို ပြာရမလားပဲ၊ အရွဲ့ တိုက် တုန်းပဲ။ ပလီမရောက်ဖြစ်တဲ့ငါတယောက် အခုပလီပြန်တက်ဖြစ်နေပြီ။ အခုဥပုဒ်လလည်း ဥပုဒ်ပြန်စောင့်ဖြစ်နေပြီ။ ကျမ်းစာမသင်ချင်လို့ ဗလီကျောင်းပြေးပြီး မင်းဆီလာကစားလို့  ခနခနအရိုက်ခံရတဲ့ငါတယောက် ငါ့အသိနဲ့ငါ ကျမ်းစာဖတ်တတ်အောင် ကြိုးစားနေတယ်။ ကျမ်းစာအဓိပ္ဗါယ်နားလည်အောင် မြန်မာဘာသာပြန်တွေ ဖတ်ဖြစ်နေပြီ။ ဒီအချက်အတွက်တော့ မင်းတို့ လို ကုလားမုန်းတီးရေးသမားတွေကို ကျေးဇူးတင်ရမလိုပဲ။
မင်းရဲ့ စတေ့တပ်တခုအကြောင်းပြောချင်တယ်ကွာ။ မင်းကြိုက်မကြိုက်တော့မသိဘူး ဒဲ့ပဲပြောတော့မယ်။ မင်းက ကုလား (မွတ်စလင်) တွေကို ထမင်းကျွေးတဲ့လက်ကို ပြန်ကိုက်တယ်လို့ ဆိုလို့ပါ။ ငါမင်းအိမ်မှာ တခါတရံ ထမင်း လိုက်စားဖူး ပါတယ်။ ငါမင်းတို့ မိသားစုအပေါ် တခါမှ ကျေးဇူးမကန်းဖူးပါဘူး။ ကန်းဖူးရင် ပြောပါ။ မင်းအိမ်မှာ တသက်လုံး အစေခံပါ့မယ်။ မင်းလည်းငါတို့ ဆီမှာ စားဖူးပါတယ်။ ငါတို့  ၆ တန်း ရ တန်းလောက်အထိ မင်းအမေ ဈေးရောင်းတော့ ညနေ အချိန်ပိုဆင်းတဲ့အထိ (၄း၃၀ အထိ) မင်းအမေ အိမ်ပြန်မရောက်လို့  ငါ့အိမ်မှာ နေ့တိုင်း ညနေစာလိုက်စားတာ မင်း ခုထိ မှတ်မိအုံးမှာပါ။ မင်းရော ငါရော ငါ့မောင်နှမတွေရော ကြိုက်တဲ့ ချာပါတီ ဒါမှ မဟုတ် ပူရီးကို အညော်ခံပြီး ခနခနလုပ်ကျွေးတဲ့ ငါ့အမေ လက်ရာကို မင်းလွမ်းတယ်ဆို။ ငါတို့ လို ချာပါတီကို ကြက်ဥကျော်နဲ့ မစားတတ်ဘူးဆိုလို့  တကူးတက ပဲပြုတ်နဲ့  ကြက်သွန်နီသုတ်ပေးတဲ့ ငါ့အမေကို မင်းလွမ်းတယ်ဆို။ ၁ ရက် ၂ ရက် မဟုတ်ဘူးနော သူငယ်ချင်း။ နှစ်နဲ့ ချီ မင်းကိုချက်ကျွေးခဲ့တဲ့ ငါ့အမေက အခုတော့ မင်းအခေါ် ကုလားမပေါ့ကွာ။ အခု ဖေ့ဘွတ်ပေါ်မှာ အင်မတိအင်မတန် ခေတ်စားနေတဲ့ မရှက်မကြောက် မအေနှမ ဆဲနည်းတွေနဲ့ တော့ ငါ့အမေကို မင်းမဆဲလောက်ပါဘူးနော်။
အဲ့ဒီကုလားမကပဲ မင်းအမေ သားအိမ်ခွဲထုတ်ဖို့ လိုတဲ့ငွေကို အိမ်ပေါက်စေ့လှည်ပြီး လိုက်ချေးပေးခဲ့တာပဲမဟုတ်လား။ မတတ်နိုင်သေးဘူးဆိုလို့  အတိုးကို အဲ့ဒီ ကုလားမ ငါ့အမေကပဲ သမီးအပျိုပေါက် လည်ပင်းက မရှိမဲ့ရှိမဲ့ ရွှေဆွဲကြိုးပေါင်ပြီး စိုက်ပေးခဲ့တာပဲမလား။ တခြားကူညီခဲ့တာတွေကိုတော့ ထပ်မပြောတော့ဘူး။ ငါတို့ ကူညီပေးခဲ့တာကို ဂုဏ်ဖော်ချင်လို့ လည်းမဟုတ်ဘူး သူငယ်ချင်း။ မင်းရဲ့ စကားလုံးတွေက ငါတို့ လို ကုလား ဆိုတဲ့ လူတွေပေါ် အရမ်းစော်ကားထိုး နှက်နေလွန်းလို့ ပါ။ သားရေပေါ်အိပ် သားရေနားစားဆိုတဲ့ စတေ့တပ်မှာ မင်းက “ပြောလိုက်စမ်းပါ” ဆိုပြီးရေးထားသေးတော့ ငါတို့  ကုလားတွေကို ခွေးတွေလို့  သဘောထားတာကို မကျေနပ်လွန်းလို့ ပါ။
မင်းနဲ့  မင်းဖေ့ဘွတ်သူငယ်ချင်းတွေ ပြောနေတဲ့ထဲမှာ ရှိပါသေးတယ်။ ကုလားတွေ ငါတို့ မြေပေါ်နေ ငါတို့ ရေပေါ် သောက်ပြီး ငါတို့ ကို စော်ကားနေတယ်ဆိုတာ။ မင်းတို့ ပြောတာ ကုလားဆိုတာ ဘာကိုပြောတာလဲ အတိအကျ မဖွင့်ဆိုထားဘဲ ၀ါးလုံးသိမ်းပြီးရမ်းနေတော့ ရိုဟင်ဂျာတင်မက ကျန်တဲ့ မြန်မာပြည်က မွတ်စလင်ကိုလည်း ပြောနေတာပဲမလား။ ဒီလိုဆိုရင်ပြောမယ်ကွာ။ ငါတို့ က ငါတို့ မြေပေါ်ငါတို့ နေတာ။ ဒီမြေ ဒီမြို့ ကြီးပေါ်မှာနေလာတာ ငါတို့  ဘီ (အဖိုးအဖွားမိဘ) လက်ထက်ကတည်းကကွ။ သူတို့ ကိုလည်း ကုလားပြည်က ၀င်လာတာလို့ မထင်လိုက်နဲ့ ၊ အနီးအနားက ရွာတွေက ဒေသခံစစ်စစ် လယ်သမားတွေ။ ငါတို့ ကကိုယ့်ထမင်းကိုယ်စား ကိုယ့်မြေပေါ်ကိုယ်နေတာ။ ဘယ်သူကိုမှလည်း မစော်ကားဘူး။ သားရေပေါ်နေ သားရေနားစားရအောင်လည်း ခွေးမဟုတ်ဘူး။ ကျွေးတဲ့လက် ပြန်ကိုက်တာ ငါ တို့ မဟုတ်ဘူး သူငယ်ချင်း။ မင်းလည်း မဟုတ်ပါစေနဲ့ လို့  ငါမျှော်လင့်တယ် (ဆုတော့ မတောင်းပေးတော့ဘူး၊ ငါ့ဘုရား မင်းကြိုက်မှာလည်းမဟုတ်ဘူး)။ ငါတခုတော့ သတိပေးမယ် သူငယ်ချင်း။ မင်းအဖေက ဗမာ (သို့ ) မြန်မာစစ်စစ်မဟုတ်ဘူးနော်။
ရခိုင်-ရိုဟင်ဂျာပြသနာဖြစ်တော့ မတရားတာတွေ တခုပြီးတခုတွေ့ နေရတော့ ငါ့တို့  ကုလားတွေ အကြောင်း ငါ သေချာပြန်စဉ်းစားဖြစ်တယ်။ အရင်က မတွေးဖြစ်တာတွေ တွေးမိတယ်။ ကုလားဆိုပြီး အနှိမ်ခံရတဲ့ ငါက ငါ့ကိုယ်ငါ ဒုတိယ တန်းစား နိုင်ငံသားလိုစိတ်ထဲဖြစ်မိတယ်။ သေချာ ပြန် စဉ်းစားကြည့်တော့ ငါက ဘာကိစ္စ ဒုတိယတန်းစား နိုင်ငံသားလို့ ထင်ရမှာလည်း။ ငါ့မြေပေါ်မွေး ငါ့ထမင်းငါစားပြီး ငါ့အလုပ်ငါလုပ်တာပဲ။ ငါက အစ္စလာမ်ဘာသာ ကိုးကွယ်တာတ ခုတည်းနဲ့  အဆင့်နှိမ့်သွားရောလား။ ဒီမှာသူငယ်ချင်း ငါ့မှာ ငါ့အခွင့်အ ရေးအပြည့်အ၀ရှိတယ်။ ငါလည်း မြန်မာစစ်စစ်ပဲ။ ငါတို့ အ ခွင့်အရေးကို ချိုးဖောက်နေတဲ့ လူတွေရဲ့  အပြောအဆို အဆက်အဆံတွေ အမြင်တွေကို လက်ခံမှ ဒုတိယနိုင်ငံသားဖြစ်မှာ။ ငါလက်မခံတော့ဘူး သူငယ်ချင်း။ လက်ခံဖို့ လည်းမလိုဘူး။ လက်ခံစရာလည်းမဟုတ်ဘူး။ အရင်က ငါ့ကိုယ်ငါ သိမ်ငယ်မိခဲ့တာတွေအတွက် ငါနောင်တရတယ်။
တကယ်တော့ ငါဟာ အစ္စလာမ်ဘာသာဝင် မြန်မာလူမျိုး။ နိုင်ငံခြားက၀င်လာပြီး ကပ်စားနှပ်စားမဟုတ်။ ငါဟာ ငါ့ဘီဘင်တွေခေါင်းချတဲ့ မြေပေါ်မှာမွေးတဲ့ ပထမအဆင့်နိုင်ငံသား (ဒုတိယအဆင့်နိုင်ငံသားမဟုတ်ဘူး)။ ငါ့မာန ငါ့သိက္ခာ ငါ့ခံယူချက် ငါ့ခန္ခာနဲ့ ငါ။ ဘယ်သူ့ ထမင်းမှ အလကားစားပြီး ကြီးလာတာမဟုတ်ဘူး။ ရိုးရိုးသားသားနဲ့  ကိုယ့်ဝမ်းကိုယ်ကြောင်းနေတဲ့လူ။ ငါ့မှာငါ့အခွင့်အရေး အပြည့်အ၀ရှိတယ်။ ငါ့မှာ လွတ်လပ်မှု အပြည့်အ၀ရှိတယ်၊ မြန်မာပြည်ကလူတွေတန်းတူ မြန်မာပြည်ကို ပိုင်ဆိုင်တယ်၊ မြန်မာပြည်ရဲ့ အနာဂတ်ကိုဖန်းတီးခွင့်ရှိတယ်၊ ငါ့မှာ အခွင့်အရေး တန်းတူ ရှိတယ်။ ဒီအခွင့်အရေးကို မြန်မာစစ်စစ်ဆိုတဲ့ အယူသီး အရိုင်းအစိုင်း ငဂေါက်တွေကသာ ချိုးဖောက်နေကြတာ။ ဒီအခွင့်အရေးတွေ ပြန်ရဖို့  ငါ့မှာ ပြန်လှန်ခုခံ တိုက်ပွဲဝင်ခွင့်ရှိတယ်။
ငါတို့ တွေက မြန်မာပြည်ရဲ့ လူပိုလူရှုပ်တွေမဟုတ်ဘူး။ မြန်မာပြည်ကိုသွေးနဲ့ ရေးတဲ့ထဲမှာ ငါတို့ ခေါင်းဆောင်တွေပါတယ်။ ငါ့ရှေ့က မွတ်စလင်တွေ မြန်မာပြည်အတွက် အသက်တွေပေးသွားတယ်။ အနာဂတ်မြန်မာပြည်အတွက် ကာယညာနတွေ ပေးဆပ်သွားတယ်။ ဦးရာဇတ်၊ ရဲဘော်ကိုထွေး၊ ဦးရာရှစ်၊ ဦးဖေခင်၊ ဗိုလ်မှူးဘရှင်တို့ ရယ်မှ မဟုတ်ဘူး။ နိုင်ငံရေးအပြင် အားကစား၊ အနုပညာ၊ ကာတွန်း၊ စာပေ၊ ဂီတ၊ ယဉ်ကျေးမှု၊ ပညာရေး စတာတွေမှာ ထည့်ဝင်ပေးဆပ် သွားကြတယ်။ မြန်မာပြည်တည်ဆောက်တဲ့နေရာမှာ သူတို့သွေး၊ သူတို့ ချွေးတွေစွန်းခဲ့တယ်။ စစ်အစိုးရ အဆက်ဆက် ခုထက်ထိလည်း မြန်မာမွတ်စလင်တွေ အသက်၊ သွေး၊ ချွေး ပေးဆပ်နေတုန်းပဲ။
မင်းတို့  ကုလားပဲခေါ်ခေါ် ဘာပဲခေါ်ခေါ် ငါက ငါ့မြေမှာမွေး ငါ့ထမင်းငါစားတဲ့ မြန်မာနိုင်ငံသားစစ်စစ်ပဲ။ ဇာဂနာ (ခ) ဦးသူရ ပြောသလိုပဲ၊ မင်းတို့ လက်ခံတာ လက်မခံတာက မင်းတို့ အပိုင်း။ ငါ့မှာ ငါ့လွတ်လပ်ခွင့်၊ ငါ့အခွင့်အရေးအပြည့်ရှိတယ်။ ဒီမြေဟာ ငါ့မြေ၊ဒီရေဟာ ငါ့ရေ။ တိုင်းပြည်ကို ဘယ်တော့မှ သစ္စာမဖောက်သလို ငါရဲ့ တိုင်းပြည်ပိုင်ဆိုင်မှုကိုလည်း တစက်မှ လျော့မပေးနိုင်ဘူး။ မင်းပိုင်သလို ငါလည်းပိုင်တယ်။ ငါက မြန်မာပြည်ရဲ့ နိုင်ငံသား။ မြန်မာပြည်က ငါ့ရဲ့ ပြည်။
ခုတော့ ဒီလောက်ပဲ သူငယ်ချင်း။

ဇော်သီဟ (လေးမြစ်)