! ကျွန်ုပ်၏ပြတိုက် !

(မျက်နှာပျက် သိက္ခာကျရမည့်အဖြစ်မျိုး ကြုံတတ်၏။)

သာမာန် မဖြစ်စလောက် မမုန်းလောက်သည်ကို ရေးကြီးခွင်ကျယ်လုပ်၍ အပြစ်ကြီးဟု မယူမှတ်လေနှင့်။ ဇနီးသည်၌ အကျင့်ပျက်များဝင်လာသည်ရှိသော် ပြင်းပြင်းထန်ထန် ဟန့်တားပြုပြင်ပေးရမည်။ ကိုယ်တိုင်လည်း သူစိမ်းမိန်းမတို့နှင့် အရောမဝင်အပ်။ မတ်နှင့် ခဲအိုတို့သည် ဇနီးတစ်ယောက်အဖို့ မော့သ် (သေမင်း) ပင်ဖြစ်၏။ သာသနာ့စည်းကမ်း ဖော်ညွှန်းချက်ကို ဇနီးကိုယ်တိုင် လိုက်နာကျင့်သုံးရမည်။

လင်မယားတိုင်ပင်ဆွေးနွေးရမည်။ ခင်ပွန်း၏ ဆုံးဖြတ်မှုဖြစ်စေရမည်။ ဇနီးကောင်းဖြစ်ဖို့ ခင်ပွန်းတွင် တာဝန်ရှိ၏။ ပြေလည်သိမ်မွေ့သောအပြောအဆိုတို့ဖြင့် ပြုပြင်ထိန်းသိမ်းလျှက် လှပသောအိမ်ထောင်သည်ဘဝကို ထူထောင်နိုင်ရမည်။ ဤသည်မှာ မယား၏ကျွန်ဖြစ်ခြင်းမဟုတ်။ အလ္လာဟ်နှစ်သက်သော ယောက်ျားကောင်းတစ်ယောက်၏ အရည်အချင်းပင်ဖြစ်သည်။

(၃) အိမ်ထောင်ဖက်ရွေးနည်း

တစ်သက်တာလုံးအတွက် ဘဝကြင်ဖော်ရွေးရသည့်ကိစ္စသည် ခက်ခဲလှ၏။ အလွယ်တကူ မလုပ်သင့်ပေ။ စဉ်းစားချင့်ချိန်ရမည်။ သတ္တိနည်းလွန်းပြန်လျှင်လည်း အဆိပ်အတောက်ဖြစ်တတ်၏။ ဘယ်လိုရွေးကြမလဲ? "ရတာမလို လိုတာမရ" အဖြစ်မျိုးလည်း ကြုံတတ်၏။ ပြီးပြီးရော ကမန်းကတန်းစီစဉ်ကြပြန်လျှင်လည်း "စလယ်ဝင်ဖင်မမည်းခင်ကတည်းကကွဲ" ဖြစ်တတ်ပြန်၏။ သလားက် (ယောက်ျားလေး) ဖက်မှ ကွာရှင်းခြင်း၊ ခုလအ် (မိန်းကလေးဖက်မှ ကွာရှင်းခွင့်တောင်းခံခြင်း) များဖြစ်တတ်၏။ သည်တော့… အကောင်းဆုံးဖြစ်အောင် ဘယ်လိုရွေးကြမလဲ…?

ပထမ… အလ္လာဟ်အရှင်မြတ်ထံတောင်းခံရမည်။ ဆွလာသွလ်ဟာဂျသ် နမာဇ်ဖတ်ရမည်။ ရို့ကျိုးစွာ အကြိမ်ကြိမ်တောင်းခံရမည်။

ဒုတိယ… အထင်အမြင် ဆင်ခြင်စဉ်းစားရန်ကို အလ္လာဟ်ထံမှာပဲ မျှော်လင့်ယုံကြည်စွာ တောင်းခံပါ။ အင်န်ရှာအလ္လာ မုချမလွဲမသွေ အိမ်ထောင်ဖက်ကောင်းရမည်ဟု ယုံကြည်ချက်ဖြင့် ဆက်ဆက်တောင်းခံပါ။

တတိယ… ဒီးန်သာသနာ လေးစားလိုက်နာသော၊ အမြော်အမြင်ရှိသော၊ ဝါရင့်အတွေ့အကြုံရှိသော အမာနသ်ကို ဖုံးကွယ်တတ်သောသူ တစ်ဦးဦးထံ၌ အကြံယူ အကူအညီတောင်းခံပါ။

စတုတ္ထ… အိစ်သိခါရဟ် (အလ္လာဟ်ထံ အကြံဥာဏ်တောင်းခံခြင်း) ပြုလုပ်ရမည်။ အလ္လာဟ်အကူအညီ ရယူမှုပြုရမည်။ တစ်ရက် တစ်ကြိမ်ကျ၊ ခုနှစ်ရက်တိုင်တိုင် ပြုကျင့်ခွင့်ရှိသည်။ အင်န်ရှာအလ္လာဟ် စိတ်နှလုံးသား၌ ထင်ရှားပီပြင်စွာမြင်နိုင်ပေသည်။ မုချမလွဲမသွေ အလ္လာဟ်သည် ကူညီတော်မူသော အရှင်ဖြစ်၏။

ဖေါ်ပြပါ လေးချက်ဖြင့် အိမ်ထောင်ဖက်ကို ရွေးချယ်ကျေနပ်နိုင်ကြပါစေ။ (ဖေါ်ပြပါ အကြံပြုချက်သည် ကျား/မ မရွေးကျင့်သုံးရန်ဖြစ်သည်။)

(ယောက်ျားလေးတစ်ယောက်သည် သူ၏ ဘဝလက်တွဲဖော်ကို သူကိုယ်တိုင်ရွေးချယ်ရမည်။ ရွေးချယ်နိုင်စွမ်းရှိရမည်။ မိဘကပေးစားလို့ ဟူသောခေါင်းစဉ်တတ်ပြီး ခေါင်းညိမ့်ယူခြင်းသည် ခေါင်းရှောင်ခြင်းပင်ဖြစ်သည်။ ယောက်ျားဟူသည်မှာ ခေါင်းဆောင်နိုင်သောအရည်အချင်းရှိရမည်။ မိမိနှစ်သက် သဘောကျသူတွေ့လျှင် အားလုံးက လက်ခံအောင်တင်ပြနိုင်ရမည်။ မှတ်ထားရမည်မှာ ဇနီးဟူသည် ခင်ပွန်းဖြစ်သူ လင်သား ယောက်ျားအတွက်ပင်ဖြစ်သည်။ မိမိနှင့် အဆင်ပြေရန်၊ မိမိဒီးန်၊ ဘဝ စသည့်အရာတွေအတွက် မည်မျှအကျိုးဖြစ်ထွန်းမည်ကို စဉ်းစားပြီး ရွေးချယ်ရမည်။ ထိုဇနီးသည် အားလုံးနှင့် အဆင်ပြေချင်မှ ပြေနိုင်မည်။ မိန်းမဟူသည် ခင်ပွန်းနှင့်သာ အမြဲတန်းအတူနေရမည့်သူ ဖြစ်သည်။ ကျန်ရှိသောသူများနှင့် အမြဲတန်းအတူနေရမည့်သူ မဟုတ်ပါ။……

(စကားချပ်…)

(၄) မိန်းကလေး၏ အရည်အချင်း

၁- ဒီးန်သာသနာ လေးစားလိုက်နာသူဖြစ်ရမည်။ သို့မှာသာ ဂုဏ်ယူမြတ်နိုးစရာကောင်းသော သားသမီးရတနာများ ထွန်းကားမည်။ လင်မယားဘဝ တည်တံ့ခိုင်မြဲ ကြည်နူးရမည်။

၂- ဆွေဂုဏ်မျိုးဂုဏ် ရှိရမည်။ ဆွေဂုဏ်မျိုးဂုဏ်ဟူသည် အကျင့်သီလကောင်းခြင်းကို ဆိုလိုသည်။ မွေးဖွားကြီးပြင်းရာ ဘဝပတ်ဝန်းကျင်သည်လည်း ဒီးန်သာသနာကို လေးစားလိုက်နာသည့် အသိုက်အဝန်းဖြစ်ရမည်။ မြေကောင်းမှ အသီးအပွင့်ကောင်းမည်။ မျိုးစေ့မှန်မှ အပင်သန်မည်။ ဘယ်ကျောင်းထွက်လည်းဆိုသည်ထက် ဘယ်အိမ်ထောင်စုကလည်းဆိုသည်ကို အလေးထားလေ့လာရမည်။ ယင်း၏မိဘများ အချင်းချင်းဆက်ဆံရေးကို လေ့လာရမည်။ ဒီးန်သာသနာရေးလေးစားလိုက်နာမှုကို လေ့လာရမည်။ ဆွေမျိုးဝန်းကျင်ကို လေ့လာရမည်။

(၃) ရွေးချယ်ပုံ

ချောမောလှပခြင်း၊ ရုပ်ရည်ကို မျက်စေ့ဖြင့်လေ့လာကြည့်ခြင်းကို သာသနာက ခွင့်ပြုသည်။ ကြည့်ပြီးနောက် သာမာန်ချွတ်ယွင်းချက်မျှဖြင့် ပယ်ချခြင်းကိုမပြုသင့်။ သမီးရှင်များကို စိတ်အနှောင့်အယှက်ဖြစ်စေသည်။ ထို့ကြောင့် ပါဝင်ပတ်သက်သူတို့ထံမှ ဦးဆုံးလေ့လာသတင်းယူသင့်သည်။ ကျေနပ်လောက်မှ ကြည့်သင့်၏။ ကြည့်ပြီးနောက် ကျေနပ်သဘောတူသင့်ပေသည်။ အကြောင့်မဲ့သက်သက် မပယ်သင့်။

(သို့သော်ပယ်ချခွင့်တော့ရှိသည်။)

(၄) မင်္ဂလာဦးည

မင်္ဂလာဦးညသည် အရာရာတိုင်းအတွက် အဓိကအကျဆုံး ညမင်္ဂလာဖြစ်သည်။ ဒီးန်သည် အရေးအကြီးဆုံးဖြစ်သည်။ "ရှင်မရေ… ဒီနေ့နေကာမှာ ရှင်မအလွန်လှပါတယ်။ ကိုယ့်ဘက်က ပြောမှားဆိုမှား၊ တစုံတရာ မကျေနပ်စရာများတွေ့ခဲ့လျှင် သည်းခံခွင့်လွှတ်ပါ။ ဘယ်သူ့ကိုပဲဖြစ်ဖြစ်၊ ကိုယ့်အမေ၊ အစ်မ၊ မရီးတို့ကို သည်းခံခွင့်လွှတ်ပါ။ အာခိရသ်မှာ ရှင်မအစားရပါလိမ့်မယ်။" စသဖြင့် ချိုသာစွာပြောဆိုလျှက် အလျှင်ဦးဆုံး နားလည်မှုယူသင့်ပေသည်။ ကိုယ့်ဘက်ကိုလည်း ပြေလည်စွာဆက်ဆံရန် ကြိုတင်ညှိနှိုင်း မှာကြားတောင်းပန်ထားသင့်၏။

(မင်္ဂလာဦးဇနီးမောင်နှံ၏ မင်္ဂလာည၌ ထားရမည့်နိယသ်၊ တောင်းရမည့်ဒိုအာတို့ကို လေ့လာကျက်မှတ် လိုက်နာကျင့်သုံးရပေမည်။)

(၅) ယောက္ခမ နှင့် ချွေးမ သင့်မြတ်နည်း

ခင်ပွန်းဖြစ်သူသည် ဇနီးမှတဆင့် တခါတရံသင့်မြတ်သည့်လက်ဆောင်ကို ပေးအပ်စေသင့်သည်။ ထိုနည်းအတိုင်းပင် ဇနီး၏ မိဘမောင်နှမများထံသို့လည်း ပြုမူဆောင်ရွက်သင့်သည်။ ဆုမွန်ဒုအာရစရာပင်ဖြစ်သည်။

အခြားသော သင့်မြတ်စေသည့် နည်းများစွာရှိပါသည်။ အထူးသဖြင့် ငြင်းခုံခြင်းကို ရှောင်ရမည်။ ပြုံးရွှင်ချိုသာစွာ ဆက်ဆံရမည်။ တစ်ဖက်သားကို ဦးစားပေးဆက်ဆံသင့်သည်။ အေစ်က်ရာမ်ပင်ဖြစ်သည်။

(၆) ဇနီးအားတားမြစ်ရန်မလိုအပ်သည်များ

ဇနီးသည် အကီဒဟ်ခံယူချက်ကောင်း၏။ ဗစ်ဒ်အသ် (သာသနာ၌မရှိသည့်အရာကို ကျင့်သုံးခြင်း) မှ ကင်းစင်သည်။ မှားယွင်းမှုအစဉ်အလာများသို့ လမ်းမပြမိပါစေနှင့်။

ဤသို့ပင် ဇနီးဖြစ်သူက ပရ်ဒါ (အကာအကွယ်) သတ်မှတ်ချက်ကို စောင့်စည်း၏။ ပရ်ဒါကင်းမဲ့သူ၊ ဒီးန်ကို မလေးစားသူတို့နှင့် အရောတဝင်မရှိပါစေနှင့်။ ရှရီအသ်နှင့် ဆန့်ကျင်သည့်အသိုင်းအဝိုင်းသို့ မပို့ဆောင်လေနှင့်။ မိမိတို့ဇနီးမောင်နှံမလာလျှင် စိတ်ဆိုးနေမှာပဲဟု အားနာစိတ်ဖြစ်မသွားပါနှင့်။

ထို့ကြောင့် ဒီးန်သာသနာတော်၌ရှိနေသောဇနီး၏ ကောင်းသောပြုမူကျင့်ဆောက်တည်မှုများကို ခင်ပွန်းက မတားရ၊ မဖျက်ရချေ…။

(၇) ဇနီးဒီးန်လေးစားရန် ခင်ပွန်းဦးဆောင်

ဒီးန်နှင့်ပတ်သက်၍ ကိုယ့်ဇနီးချွတ်ချော်နေသည်ကိုတွေ့လျှင် မဆူမဆဲ၊ မလှောင်မပြောင်လေနှင့်။ ယဉ်ကျေးစွာ ပဲ့ပြင်သွန်သင်ဆုံးမသင့်သည်။ ဦးစွာပထမ စစ်မှန်သောအာလင်မ်သာသနာ့ပညာရှင်များထံ ပညတ်ချက်အမှန်ကို မေးမြန်းလေ့လာဆည်းပူးသင်ယူသင့်သည်။

ခင်ပွန်းဖြစ်သူသည် အလ္လာဟ့်လမ်းတွင် သုံးကျိလ္လာ (ခေါ်) လေးလအချိန်ပေးသင်ယူခဲ့သော်လည်း ဇနီးဖြစ်သူခမျာ တစ်ရက်တစ်လေမျှပင် ထိုပတ်ဝန်းကျင်မျိုးရဖူးသည်မဟုတ်ပေ။ ခင်ပွန်းသည် ဟရာမ်၊ ဟလာလ် ခွဲခြားသိနားလည်ထားသော်လည်း ဇနီးခမျာ သိရှာသေးမည်မဟုတ်ပါ။ ကိုယ့်ကိုသူတစ်ပါးက နားလည်အောင် စိတ်ရှည်ခဲ့သကဲ့သို့ ကိုယ်ကလည်းကိုယ့်ဇနီးအပေါ် စိတ်ရှည်စွာ စောင့်ဆိုင်းနားချ သင်ပြသင့်သည်။ သူမ၏ အတွင်းစိတ်၌ ရှရီအသ်ပညတ်ချက်များကို တောင့်တလာသည့်အခါ ခွဲခြားသင်ပြသင့်သည်။ မနှစ်မြို့စရာတွေ့တိုင်း ပြစ်တင်ကြိမ်းမောင်းမှုပဲပြုလုပ်နေလျှင် သူမသည် ဒီးန်နှင့် ပိုမိုဝေးကွာသွားနိုင်ကြောင်း သတိပြုရမည်။ ထို့ကြောင့် တတ်သိသူများ၏အတွေ့အကြုံဖြင့် သိမ်းသွင်းရသည်။ အထူးသဖြင့် စာပေမပြတ်ဖတ်ပါလေ…။

(၈) ရှာဒီပြုလုပ်ပြီးသွားသည်နှင့် လိုက်နာရမည့်အချက် (၃)ချက်

နေကာရှာဒီပြီးနောက် သားသမီးရကြဦးမည်။ အိမ်ထောင်ဦးစီး၊ သားသမီးများ၏ဖခင်၊ ဇနီး၏ခင်ပွန်းဖြစ်သူသည် အောက်ဖေါ်ပြပါ အချက်(၃)ချက်ကို လေးစားလိုက်နာရမည်။

၁- မျက်စေ့ကိုထိန်းရမည်။ အတုအယောင် အလှအပများသည့်ခေတ်၊ မိတ်ကပ်ခေတ်တွင် ကိုယ့်ဇနီးသည်သာ အလှဆုံးအဖြစ်ခံယူထားပါလေ။ ကိုယ့်ဇနီးအပြင် အခြားတပါးကိုငြိတွယ်မိပြီဆိုပါက နူရ်နှင့်ရူဟာနီယသ်တို့ ပျက်ပြယ်ကုန်လိမ့်မည်။ အရှင်မြတ်က ထိုကဲ့သို့သူ၏သိက္ခာကို ကျစေတော်မူ၏။ အကြည့်မှားလျှင် အကျဉ်းတန်မည်ဟု မှတ်ယူပါလေ။

၂- အရှင်မြတ်သည် စုံတွဲကိုသတ်မှတ်တော်မူ၏။ ယင်းအတိုင်းပင် ဗန္ဒာဟ်ကကျေနပ်ရပေမည်။ မည်သည့်အခြေအနေမှာပင်ဖြစ်စေ ရှူကုရ် (အလ္လာဟ်ကို ကျေးဇူးတင်ခြင်း) ပြုနေရမည်။ ကိုယ့်ဇနီးထက်သာသူ မရှိဟု မှတ်ယူထားပါ။

၃- မိဘမောင်နှမ ဆွေမျိုးသားချင်းများထံ မျှော်လင့်ချက်မထားပါနှင့်။ အရှင်မြတ်ကိုသာ အားထားယုံကြည်ပါ။ ဒုက္ခဆိုသည်မှာ ဆွေမျိုးရင်းချာများကြောင့်သာ ကြုံရတတ်၏။ အင်န်ရှာအလ္လာဟ် ဒုက္ခသည် အမြန်ဆုံးပျောက်ကွယ်ပါလိမ့်မည်။

(၉) အတွေးများကို သန့်ရှင်းပါ။
ဇနီးသည် မိမိသတ်မှတ်သော ပုံစံအတိုင်း အပြည့်အဝမလိုက်နာသည့်အခါ "မချစ်တော့ဘူးလား၊ မိမိကထားရမဲ့ ဝတ္တရားတွေကို ပျက်ကွက်တော့မှာလား။ ပျော်အောင်ထားဖို့ မကြိုးစားတော့ဘူးလား။" သို့ဖြင့်လျှင် စိတ်ချမ်းသာမှုရတော့မည်မဟုတ်ပါ။

သင်စဉ်းစားရွေးချယ် တွေးယူသတ်မှတ်ခဲ့သောစနစ်၊ ပုံစံတို့သည် သင်၏အသိုင်းအဝိုင်း နှီးနွယ်ပတ်သက်သမျှနှင့် တွေ့ကြုံသည့်ပုံစံဖြင့်သာလျှင်ဖြစ်ပေမည်။ ထိုပုံစံကိုသင်က သဘောကျကျေနပ်နှစ်သက်သော်လည်း သင့်ဇနီးက ရုတ်တရတ်ပြောင်းလဲလိုက်နာဖို့ ခက်ကောင်းခက်နေပေမည်။ ဤအချက်ကို သင်စိတ်ကွက်မည်ဆိုပါကသင်မှားချေပြီ။

ထို့ကြောင့် မိမိဖြစ်စေချင်သည့် အကျင့်အမူ၊ ဓလေ့စရိုက်တို့ကို သည်းခံစိတ်ရှည်လျှက် ဇနီးအားတွဲခေါ်ရမည်။ သို့မှသာ နှစ်ကိုယ်တူညီမျှ ချစ်ကြည်ပျော်ရမည့်အနေအထားသို့ ရောက်ပေမည်။ တစ်ဖက်စွန်းမရောက်ရပါ…။ မိမိအတွေးအထင်တို့ကို သန့်ရှင်းစင်ကြယ်ထားရမည်။

ဇနီးကို မိမိနှစ်သက်သဖြင့် နေကာရှာဒီဖြစ်ခဲ့၏။ မိမိနှင့် အကျင့်အမူဓလေ့စရိုက်မကိုက်ညီမှုကို အခြေခံလျှက် အပြစ်မမြင်ထိုက်ပေ။ မိန်းမသားတစ်ယောက်၏အသိတရားနှင့် ယောက်ျား၏အတွေးအမြင်တို့ကို ထပ်တူပြုမရနိုင်ကြောင်း သတိပြုရမည်။

အချို့အမျိုးသမီးတို့သည် ခင်ပွန်းအားစိတ်အတွင်းမှချစ်၏။ ကိုယ်နှုတ်အမူအယာဖြင့် မပြတတ်ပေ။ ခင်ပွန်းအိမ်သို့ပြန်ရောက်လာလျှင် ကျေနပ်ပီတိဖြစ်တတ်သော်လည်း ထိုကြည်နူးမှုအား ထုတ်ဖော်မပြတတ်ခြင်းမျိုးကို ဆိုလိုသည်။

တခါတရံ အိမ်မှုကိစ္စကြောင့် ဇနီး၏ဝတ္တရားပျက်ကွက်မှုရှိခဲ့သော် နားလည်ခွင့်လွှတ်သင့်သည်။ သို့မှသာ တစ်ဦးနှင့်တစ်ဦး အပြန်အလှန်နားလည်လျှက် သာယာပျော်ရွှင်သောအိမ်ထောင်သည်ဘဝကို ထူထောင်နိုင်မည်ဖြစ်သည်။

မည်သို့ပင်ဖြစ်စေ ခင်ပွန်းသည် ဒီးန်အရေးကို ရှေ့ထား၊ နားလည်မှုကိုကြိုးပမ်း၊ မိမိ၏အတွေးအထင်တို့ကို သန့်စင်ပြီး ဦးဆောင်သင့်ကြောင်း သတိပေးအပ်ပါသည်။

(၁၀) မိမိဇနီးကို မြတ်နိုးတန်ဖိုးထား

မိမိ၏ဇနီးကို အောက်ပါအကြောင်းနှစ်ချက်ကြောင့်ပင်လျှင် မြတ်နိုးတန်ဖိုးထားသင့်ပေသည်။

၁- ကိုယ့်ပိုင်ဆိုင်မှုအတွင်းသို့ သူမရောက်ရှိနေထိုင်ခြင်း။

၂- သူမသည်လည်း မွတ်စ်လင်မ်တစ်ဦးဖြစ်နေခြင်း။

အမှတ် ၁ ကိုစဉ်းစားကြည့်ရအောင်

ကိုယ်ပိုင်ဆိုင်ထားသောအရာ။ ကိုယ့်လက်ခုပ်ထဲကရေ၊ ကိုယ်ပြုသမျှနုရသည့် သူမ၏ဘဝ အဘယ့်ကြောင့်အနိုင်ကျင့်မည်နည်း။ မြတ်နိုးတန်ဖိုးမထားသင့်ပေဘူးလား။

အမှတ် ၂ အချက်ကို ဆန်းစစ်ကြည့်ဦးစို့။

သူမသည် မွတ်စ်လင်မ်ဖြစ်၏။ ဒီးန်၏အရေးကို ဆောင်ရွက်၏။ အရှင်မြတ်ရှေ့မှောက်၌ မည်သူက မည်သူထက် သာပိုမြင့်မြတ်သည်ဟု အသေအချာပြောဆိုရနိုင်သည်မဟုတ်။ အရှင်မြတ်သည် နှိပ်စက်ညှင်းပန်းခြင်းခံရသူ၏ သာမန်အမလ်ကိုပင် ကဗူလ်ပြုလျှက် အဆင့်ကိုတိုးမြှင့်တော်မူ၏။

(၁၁) ဇနီးကောင်းတို့၏ ထူးခြားမှုနှစ်ရပ်။

ဇနီးကောင်းပီသသူတို့တွင် ထူးခြားမှုနှစ်ရပ်ရှိလေသည်။

၁- အောက်ခြေသိမ်းပြုစုခြင်း

၂- အရှက်သိက္ခာရှိခြင်း

ယောက်ျားသားတစ်ယောက်၏ သန့်ရှင်းမှုကို ရာနှုန်းပြည့်အမှတ်ပေးရန်ခဲယဉ်းသည်။ သို့သော်မြင့်မြတ်သောအမျိုးသမီးတစ်ဦး၏ ကိုယ်ကျင့်သီလစင်ကြယ်မှုကို စူရဟ်နူရ်၏ အာယသ်တော်ကို ကိုးကားလျှက် အချို့ပညာရှင်များက တင်ပြကြလေသည်။

(၁၂) ဇနီးကိုချစ်ကြ

လင်မယားချင်း စိတ်ဝမ်းကွဲတဲ့အခါမျိုး၌ ပေါင်းလို့မဖြစ်တော့ဘူး။ ချစ်လို့မရတော့ဘူးဟု ပြောတတ်ကြသည်။ ဇနီး၏အပြစ်ကို စာလုံးမည်းကြီးဖြင့် နဖူးပေါ်ရေးပြကြ၏။ (ထို့ကြောင့်မိမိတို့ကိုယ်တိုင်လည်း ရွံ့ရှာမုန်းတီးစိတ်မဖြစ်ကြစေရန် အစဉ်ချစ်ကြည်ရန် ဒုအာဆုမွန်တောင်းကြပါ။ အများသူငှာ ဇနီးမောင်နှံအတွက်လည်း ဒုအာပြုပေးသင့်ကြသည်။)

သည်ကမ္ဘာမှာ ကိုယ့်ဇနီးကလွဲလျှင် ဖွဲနှင့်ဆန်ကွဲဟု မှတ်ယူနိုင်ရမည်။ အရှင်မြတ်သတ်မှတ်ပေးသော သပ်က်ဒီးရ်၏အီမာန်(ယုံကြည်နိုင်စွမ်း) ကို မြှင့်တင်နိုင်ရန်ကြိုးပမ်းသင့်သည်။

(၁၃) ဟရာမ်မှရှောင်နည်း

အရှင်မြတ်သည်ဟလာလ်နည်းဖြင့် နေကာရှာဒီပေးခဲ့၏။ ထိုဇနီးဖြင့် ပေါင်းသင်းနေထိုင်ခြင်းပင်လျှင် ဆွဒကဟ်၏အကျိုးကိုရ၏။ (ဟလာလ်ဇနီးမရှိလျှင် ဇေနာထဲ၌နစ်မွန်းမည်။ ဂုနာထိုက်မည်။ ဟဒီးစ်)

သူစိမ်းအမျိုးသမီး၏အသံကိုကြားလျှင်၊ ရုပ်ကိုမြင်လျှင်၊ အတွေးမှားခဲ့လျှင် ချက်ခြင်းထိန်းချုပ်ပါ။ နောင်မကြားမမြင် မမှားစေရန် ထိန်းချုပ်ပါ။ အကယ်၍ ထိုအချိန် ဇနီးထံသွားရန် လွယ်ကူပါက ဇနီးထံသွားပြီး မိမိ၏စိတ်ဆန္ဒဖြစ်ပေါ်မှုကို ဖြည့်စည်းလိုက်ပါ။

(ကိုယ်ချင်းစာနိုင်ရန် ဥပမာတစ်ခုပေးမည်။ စဉ်းစားပါကုန် သင့်၏ သမီးသည်သာမန်သာလှ၏၊ စရိုက်ကြမ်း၏၊ သားမက်သည်လှ၏၊ အရည်အချင်းရှိ၏၊ သို့သော်သားမက်က သမီးကိုရိုက်သော်မည်သို့ခံစားရမည်နည်း။ ထိုသို့မဟုတ်ပဲ သားမက်ကသမီး၏ အနွံတာခံအလိုလိုက်ခဲ့သော် မည်မျှဝမ်းသာကြည်နူးမည်နည်း။ သို့ဖြစ်ရာ သင်၏ဇနီးသည်လည်း တစ်ဦးတစ်ယောက်၏သမီးဖြစ်ကြောင်းစာနာစိတ်မွေးသင့်သည် မဟုတ်ပါလား။ မည်သို့ပင်ဖြစ်စေ အလ္လာဟ်အရှင်မြတ်နှစ်သက်မြတ်နိုးစေရန် ကြိုးစားနေထိုင်ဆက်ဆံသင့်သည်။)

(၁၄) အပြုံးသည်စွန္နသ်

ကိုယ်တော်(ဆွ) သည်အိမ်သို့ကြွမြန်းလာတိုင်း ပြုံးရွှင်နေတတ်သည်။ စဉ်းစားကြည့်ပါ။ ကိုယ်တော်၌ အွမ္မသ်၏သောက၊ မွတ်စ်လင်မ်တို့၏ အရေးကိစ္စ၊ ကိုယ်စားလှယ်များအားဒအ်ဝသ်ပေးခြင်း၊ ဂျေဟားဒ်ပြီးတိုင်း နောက်ဂဇ်ဝါအတွက်ပြင်ဆင်ခြင်း စသဖြင့် အဘယ်မျှအလုပ်တွေများပြားပါသနည်း။ သို့သော် ကိုယ်တော်သည် အိမ်သို့ပြန်ရောက်တိုင်း ပြုံးနေတတ်ပါသည်။

ယခုခေတ်အခါတွင် အများအားဖြင့် ယောက်ျားသားတို့သည် အိမ်ပြန်ရောက်လျှင် ဖိရ်အောင်န်ကဲ့သို့ ဖြစ်နေတတ်သည်။ မျက်နှာကဆူပုတ်၊ မျက်စေ့နီမြန်းလျှက် ဒေါမာန်ပွနေသည်။ မာနအရှိန်တို့ဖြင့် ဟိန်းဟောက်လျှက် နမ်ရူးဒ်ကဲ့သို့ အိမ်သို့ဝင်တတ်ကြသည်။ ယင်းလုပ်ရပ်တို့သည် စွန္နသ်နှင့် ဖြောင့်ဖြောင့်ကြီး ဆန့်ကျင်နေပေသည်။

တချို့ကလည်း သူတော်စဉ်ပမာ မုရာကဗာဟ်ဖြင့် မျက်စေ့ကိုပိတ်လျှက်နေတတ်၏။ ဤသည်ကို ဒီးန်သာသနာရေးလိုက်စားသည်ဟု အထင်မှားကြသည်။ မိမိဇနီးကို ရွှင်ပြုံးချိုသာစွာ ဆက်ဆံခြင်းသည် နဖိလ်နမာဇ်ဖတ်သည်ထက်သာမြတ်ကြောင်း သိရမည်။

အကျင့်စာရိတ္တအကောင်းဆုံးသူမှာ ကိုယ့်ဇနီးနှင့်ပြုံးရွှင်ချိုသာစွာ ဆက်ဆံသူပင်ဖြစ်သည်။

(၁၅) ဇနီးတွင်စိတ်ဆိုးခွင့်ရှိခြင်း

ကလေးက သူ့အားအချစ်ပိုရန် ဟန်ဆောင်ငိုသည်လည်းရှိ၏။ မိတ်ဆွေသူငယ်ချင်း အချင်းချင်းလည်း စိတ်ဆိုးဟန်ပြပြီး ကိုယ့်ဘက်စိတ်ဝင်စားစေရန် ဟန်ဆောင်ငိုသည်လည်းရှိသည်။ (ပြီးမှ ဒအ်ဝသ်ပေး၏၊ မင်းအလိုကိုလည်း လိုက်မည်။ ဗလီကိုလည်း မင်းလိုက်ရမည်။) ဤသို့ပင် ဇနီးသည်နှင့်ဆက်ဆံရာတွင်လည်း အပေးအယူ နားလည်မှု ကျင့်သုံးသင့်ပါသည်။ ဇနီးခမျာ မိမိ၏ခင်ပွန်းကိုမှ စိတ်မဆိုး၊ နွဲ့ဆိုးမဆိုးရလျှင် ဘယ်သူ့ထံသွားပြီး ဆိုးနွဲ့ခွင့်ရှိပါသနည်း။ ခင်ပွန်းကောင်းများ ဆင်ခြင်စဉ်းစားကြပါကုန်။

(အလ်မုဖီးဒ်)