! ကျွန်ုပ်၏ပြတိုက် !

မတ်လ ၂၄ ၊ ၂၀၁၃
ဂုဏ်လင်း ပေးပို့သော အိတ်ဖွင့်ပေးစာ
သို့
ဥက္ကဌဆရာတော်ဘုရား
နိုင်ငံတော်သံဃာ့ မဟာနာယကအဖွဲ့
အကြောင်းအရာ။ ။  အခြားဘာသာဝင်များ အပေါ် ယုတ်ညံ့စွာစော်ကား အနိုင်ကျင့်ပြီး မိမိ၏ ဘာသာသာသနာကို ပြန်၍ သိက္ခာကျအောင် ပြုလုပ်နေသူ အလဇ္ဇီ ရဟန်းတုများ နှင့် နောက်လိုက် တောကြောင်တို့အား မသိကျိုးကျွံ ပြုနေခြင်းသည် သံဃာ့နာယကအဖွဲ့၏ ဂုဏ်သိက္ခာ ညှိုးနွမ်းခြင်းနှင့်အတူ ကမ္ဘာနှင့်ချီ၍ အရှက်ရဖွယ် ဖြစ်နေပါကြောင်း မေတ္တာရပ်ခံလျှောက်ထားခြင်း။
” ရှက်ခြင်းရှိသောသူကို မိမိကိုယ်ကို စောင့်ရှောက်သောသူဟူ၍ သိအပ်၏။” (အတ္တရ ရက္ခိတ သုတ်၊ သံယုတ်) ”
ဆရာတော်ဘုရားကြီးခင်ဗျား -
စိတ်ကျန်းမာ၍ ရုပ်ကျန်းမာပါစေ။
၃၈ဖြာ မင်္ဂလာတွင် “ဂါရဝေါစ” ရိုသေထိုက်သူကို ရိုသေခြင်းသည် မင်္ဂလာတစ်ပါးတွင် ပါဝင်သည့်အတွက်၊ တပည့်တော်၏စာ၌ အချို့သူများအား နာမည်သာရေးကာ၊ ဂါရ၀ပြု စကားလုံးများ ထည့်မရေးထားသည်ကို ခွင့်လွှတ်တော်မူပါဘုရား” ။
မရိုသေထိုက်သူကို ရိုသေ ဂါရ၀ ထားမိပါက “အမင်္ဂလာ” ဖြစ်ရာ ၊ တပည့်တော်၏ စာ မင်္ဂလာရှိစေချင်၍ ဖြစ်ပါသည်။
ရတနာသုံးပါးတွင် ဘုရား၊ တရား၊ သံဃာ ဟူ၍ အစဉ်လိ်ုက်ရှိရာ၊ သံဃာသည် သုံးပါးမြောက်ဖြစ်ပြီး သူ့ရှေ့တွင် ဘုရား နှင့် တရားက လက်ဦးမှု ရယူထားပါသည်။ ဆိုလိုသည်မှာ ယင်းသံဃာကိုယ်၌က ဘုရားရှင်ကို လက်ခံယုံကြည်ပြီး၊ တရားစောင့်ထိန်းမှု ရှိရပါသည်။ သို့မှသာ သံဃာစစ်စစ် ဗုဒ္ဓသားတော်မည်ပါသည်။
ဝမ်းနည်းစရာကောင်းသည်မှာ ဗုဒ္ဓဘာသာဝင်များသည်  ဘုရားမေ့၊ တရားမဲ့ သံဃာတော်များပင် ဖြစ်နေလင့်ကစား၊ ” ခန္ဓာကိုယ်ကို သက်န်းစည်းထားလို့ ” ရိုသေရမည်ဟု ခံယူထားကြပါသည်။ “ သံဃာအား ကိုးကွယ်ဆည်းကပ်ခြင်း ” ကို “ သင်္ကန်းအား ကိုးကွယ်ဆည်းကပ်ခြင်း ” အဖြစ် အယူမှားသော မိစ္စာဒိဌိ ဖြစ်နေကြခြင်း ဖြစ်ပါသည်။ သံဃာ့ဂုဏ်ရည် ဟူသည် ပုဂ္ဂိုလ်၌သာ တည်ကာ၊ အ၀တ်သင်္ကန်း၌ မတည်ကြောင်းကို နားလည်ဟန် မရှိကြပါ။
” ရဟန်းတို့၊ မှားယွင်းသော အမြင်သည် တရားမဟုတ်၊ မှန်ကန်သော အမြင်သည် တရားမည်၏။ မှားသော အမြင်ကြောင့် များစွာသော ယုတ်ညံ့အကုသိုလ်တရားတို့သည် ဖြစ်ကုန်၏။ ဤသည်ကား အကျိုးမဲ့ရာတည်း။ မှန်သော အမြင်အကြောင်းကြောင့် များစွာသော ကုသိုလ်တရားတို့ ဖြစ်ကုန်၏။ ဤသည်ကား အကျိုးတည်း။ ” (အဇိတ သုတ်၊ အင်္ဂုတ္တိုရ်)
ယခုအခါတွင် အပုပ်ကောင် ရုပ်ဆောင်ထားသော ခန္ဓာကိုယ်ကိုသာ သင်္ကန်းစည်းကာ၊ နှလုံးသားကို သင်္ကန်းစည်းမထားသော ရဟန်းတု၊ သံဃာယောင်များသည် ဆူပူအုံကြွမှု နှင့် အဓိကရုဏ်းများ ပေါ်ပေါက်အောင် စင်မြင့်ပေါ်တွင်ဟောပြော၍ တစ်နည်း၊ စာတိုစာရှည်ဖြင့် လုပ်ကြံရေးသားခြင်းက တစ်ဖုံ၊ မုသားစွပ်စွဲပြောဆို ၀ါဒဖြန့်ဝေမှုကလည်း တစ်မျိုးအားဖြင့် အရှက်နည်း အတင့်ရဲကာ ယုတ်ညံ့စုတ်ချာသော အလုပ်ကိုပြုလုပ်နေကြပါသည် ဆရာတော်ဘုရား ။
ထိုသင်္ကန်းရုံ အလဇ္ဇီရဟန်းများ တစ်စထက်တစ်စ များပြားလာလျှင် ထေရ၀ါဒ ဗုဒ္ဓဘာသာသည်လည်း ထိုသံဃာယုတ်များကို မှီ၍ ဗိုလ်ချုပ် သတိပေးဖူးသည့် နိုင်ငံကြီး ဖြစ်လာနိုင်ပြီးနောက် မသူတော်တို့၏ သာသနာသာ ဖြစ်လာမည်ကို စိုးရိမ်မိပါသည်။ အကြောင်းမှာ ထေရ၀ါဒ ဗုဒ္ဓဘာသာ နှင့် သံဃာတော်တို့၏အပိုင်းသည် အပြန်အလှန် တည်မှီနေ၍ ဖြစ်ပါသည်။
ကြောက်စရာကောင်းလှသော အလဇ္ဇီရဟန်းတို့အကြောင်းကို တပည့်တော်မှ အနည်းငယ်တင်ပြပါရစေ ဆရာတော်ဘုရား။
၁။    ပညာဝရ (ဓမ္မဒူတ – သိမ်ဇရပ်) အလဇ္ဇီရဟန်းက ၁၆-၁-၂၀၁၃ နေ့၊ စော်ဘွားကြီးကုန်းတရားပွဲတွင် ” ဘ၀လမ်းခွဲ တရားတော် ” ဟု အမည်တပ်ကာ ဟောကြားရာ၌ -
ကျောင်းဆောက်ဖို့ ကားပေါ်မှ ပစ္စည်းများလာချသောအခါ၊ တိပိဋကကိုယ်တော် မင်းကွန်းဆရာတော် ဘုရားကြီးက ” ဘယ်ဆိုင်က ၀ယ်လာတာလဲ ” ဟု မေးရာ ၊ ဆိုင်နာမည်ပြောတော့ ၊  ” ဒါမွတ်စလင်ဆိုင်ဘဲ၊ ဘာဖြစ်လို့ မွတ်စလင်ဆိုင်က ၀ယ်လာရတာလဲ” ထပ်မေးရာ၊ ” ဗမာဆိုင်က ဈေးကြီးလို့ပါ ဘုရား ” ဟု လျှောက်တင်ရာ၊ ဆရာတော်ဘုရားက ” ဈေးကြီးရင် ကြီးပါစေ ၊ ဗမာဆိုင်ကပဲ ၀ယ် ” ဟု ပြောဆိုကြောင်း၊ ပညာဝရက ပညာမရသော စကားများထည့်သွင်းပြောဆိုသွားပါသည်။ အလဇ္ဇီပညာဝရ၏စကားများကို ခွဲခြမ်းစိစစ်ရပါသော် -

ဆရာတော်ဘုရားကြီးခင်ဗျား။
၂။    ထိုအလဇ္ဇီရဟန်းတို့၏ လုပ်ကြံဟောကြားချက်များကို တပည့်တော်အနေဖြင့် တစ်ခုချင်း တင်ပြချေဖျက် သုတ်သင်ပါက စာမှာ ရှည်လျားသွားပါမည်။
ဆရာတော်ကြီးများအား အားနာလှပါသဖြင့် တပည့်တော်မှ ခြုံငုံတင်ပြလျှောက်ထားအပ်ပါသည်။
* ဗလီတွေမှာ လက်နက်တိုက်တွေ ရှိတယ်။
* ၇၈၆ ဆိုတာ ၂၁ ဖြစ်လို့ ၂၁ ရာစုမှာ ဗမာပြည်ကို အစ္စလာမ်က လွှမ်းမိုးရမယ်။
*  ဗုဒ္ဓဘာသာဝင်မိန်းကလေးတွေကို ယူနိုင်သူဖြစ်ယင် ဗလီတွေက ဆုငွေချီးမြှင့်တယ်။
* အစ္စလာမ်ထဲဝင်တဲ့သူတွေဟာ ရွှေတိဂုံစေတီနဲ့ မဟာမြတ်မုနိစေတီတော်ပုံတွေကို ခြေနဲ့ အရင် နင်းပြပြီးမှ ၀င်ရတယ်။
* ဂျိဟာဒ် ဆိုတာ ဘာသာမတူတွေကို သတ်ခြင်းသာ ဖြစ်တယ်။
* မွတ်စလင်ကန်ထရိုက်တွေ တိုက်ဆောက်ရင် ဗလီအတွက် တစ်ခန်းချန်ထားတယ်
စသည်တို့အပါအ၀င် အခြားသော စကားများစွာတို့မှာ ခိုင်မာခြေမြစ်မှုမရှိသော ယုတ္ထိယုတ္တာကင်းမဲ့သော အသိမ်အဖျင်း မုသားစွပ်စွဲချက်များသာ ဖြစ်ပါသည်။
“ ရွှေတိဂုံ နဲ့ မဟာမြတ်မုနိပုံတွေကို ခြေနဲ့နင်းပြီးမှ အစ္စလာမ်ဘာသာထဲ ၀င်ရတယ် ” ဟူသည် ပညာမပြည့်ဝသော ပညာဝရ ၏ သိမ်ဖျင်းနိမ့်ကျသည့် ပုတ်ခတ်စွပ်စွဲချက်သာ ဖြစ်ပါသည်။
” အမိယုတ် နှုတ်ကြမ်း ” ဟု ဆိုရပါလိမ့်မည်။ မွတ်စလင်တွေကို ၄င်းတို့လေးစားလိုက်နာရသော ကုရ်အာန်ကျမ်းထဲ၌ အတိအလင်း လမ်းညွှန်ဆုံးမထားပါသည်။
” အသင်တို့သည် အခြားကိုးကွယ်ရာများကို ကဲ့ရဲ့ခြင်း မပြုကြလေနှင့်။ ” (ကုရ်အာန် ၆း၁၀၈)
ထို့ကြောင့် အခြားကိုးကွယ်ရာများအား ကိုယ်ထိလက်ရောက်စော်ကားရန် ဝေးစွ၊ နှုတ်ဖြင့်ပင် ပြစ်မှားခွင့် မရှိပါ။
” ကောင်းသောအလုပ်ကိုသာ ပြုလုပ်ကြကုန်လော့ “။ (ကုရ်အာန် ၂၂း၇၇) ဟု ညွှန်ကြားထားသဖြင့် အောက်တန်းကျသည့်အလုပ်ကို အသာထားဦး၊ သာမန် မကောင်းမှု တစ်ခုတလေကိုပင်လျှင် အစ္စလာမ်က  ပြုလုပ်ခွင့် ပေးမထားပါ။
စင်စစ်သော် တမန်တော်မုဟမ္မဒ်ညွှန်ပြခဲ့သော -  တမန်တော်အိဗ်ရာဟင်မ်၏ ” မိလ်သလ် ” လမ်းစဉ်ကို လိုက်နာသူအား မွတ်စလင်ဟု ခေါ်ဆိုပါသည်။
” အသင်တို့၏ သာသနာကို ငါအရှင်မြတ်က ကြပ်တည်းခက်ခဲမှု လုပ်ထားတော် မမူ။ အသင်တို့ ဖခမည်းတော်ကြီး အိဗ်ရာဟင်မ်လမ်းစဉ်ဖြစ်ကာ၊ အသင်တို့ကို မွတ်စလင်များဟု ကင်ပွန်းတပ်လေပြီ။” (ကုရ်အာန် ၂၂း၇၈) ဟူ၍လည်းကောင်း၊ ” အလ္လာဟ်အရှင်၏ အမိန့်တော်များကို နာခံလျက်၊ ကောင်းသောအမှုကို ပြုကျင့်ကာ ဖြောင့်မတ်မှန်ကန်သော အိဗ်ရာဟင်မ် ၏ လမ်းစဉ်ကို လိုက်နာသူ အကြင်သူထက် မည်သူ၏ဘ၀တည်ဆောက်မှုလမ်းစဉ်က ပိုကောင်းပါ့မည်နည်း” ( ကုရ်အာန် ၄း၁၂၅) ဟူ၍လည်းကောင်း ဖော်ပြထားပါသည်။
တမန်တော်အိဗ်ရာဟင်မ်၏လမ်းစဉ်ကို လိုက်နာသူ မွတ်စလင်တ်ိုင်းသည် အစ္စလာမ်ကို မယုံကြည်သူများအား ရိုက်နှက်ဖို့ ဆဲဆိုဖို့ဝေးစွ၊  ကြမ်းတမ်းသောစကားကို မဆိုထားဘိ၊ ထိုသူများအတွက် အလ္လာဟ့်ထံ၌ ဆုမွန်ကောင်းပင် တောင်းပေးရပါသေးသည်။ ၄င်းသဘောထားနှင့်စပ်လျဉ်းသည့်ကျမ်းချက်မှာ အောက်ပါအတိုင်း ဖြစ်ပါသည်။
” အိဗ်ရာဟင်မ်က ” အို- ကျွန်တော်မျိုးတို့၏ ဖန်ဆင်းရှင်၊ မည်သူမဆို ကျွန်တော်မျိုးအား နာခံခဲ့ပါသော် ထိုသူသည် ကျွန်တော်မျိုး၏ အဖွဲ့ဝင်ဖြစ်ကာ၊ ကျွန်တော်မျိုးအား မနာခံဖီဆန်ပါသော် ဧကန်အမှန် အရှင်မြတ်သည် ခွင့်လွှတ်တော်မူသောအရှင်၊ သနားကြင်နာတော်မူသောအရှင်သာ ဖြစ်တော်မူပါသည်။ ” (ကုရ်အာန် ၁၄း၃၆)
“ ၂၁ရာစုမှာ အစ္စလာမ်လွှမ်းမိုးရေးစီမံကိန်း – ၇၈၆ ” ဟူသည့် ရမ်းတုပ်စွဲချက်အား မွတ်စလင်တို့မှ တအံ့တသြ ဖြစ်ကြရပါသည်။ အကြောင်းမှာ – “၇၈၆” ဟူသည် ကုရ်အာန် (၁း၁)ကို အက္ခရာသင်္ချာကိန်းဂဏန်းအရ တွက်ချက်ထားမှုတစ်ခုသာ ဖြစ်ပါသည်။ ယင်းစာကြောင်းမှာ ” ကရုဏာပေါ် ကရုဏာဆင့်တော်မူသော အလ္လာဟ်အရှင်၏ နာမတော်ဖြင့် ” ဟု အဓိပ္ပါယ်ရပါသည်။ မွတ်စလင်မ်များသည် မည်သည့်အရာကိုပြုလုပ်ဆောင်ရွက်သည်ဖြစ်စေ ဤဒီဓမ္မလမ်းညွှန်အား ဆင်ခြင်နှလုံးသွင်းရပါသည်။ ( ကြည့်ရှုလေ့လာရန် – ကုရ်အာန် ၁၁း၄၁၊၂၇း၃၀၊ ၉၆း၁)
ကရုဏာကင်းမဲ့သောအလုပ် မလုပ်မိစေရန် သစ္စာမာန်တင်း၊ နှလုံးသွင်းရေး ဓမ္မသတိလေ့ကျင့်ခန်း ဟုဆိုရမည် ဖြစ်ပါသည်။ ဤနေရာ၌ ယင်းသို့ ကုရ်အာန် (၁း၁)ကို အက္ခရာသင်္ချာကိန်းဂဏန်းအရ  “၇၈၆” အက္ခရာတန်ဖိုးအဖြစ် တွက်ချက်ခြင်းကို အာရဗ်တွေက အသိအမှတ်မပြုသည်ကို သိရန်လိုအပ်ပါသည်။ ၄င်းနည်းစံနစ်မှာ အိန္ဒိယတိုက်နယ်မှ မွတ်စလင်များသာ အသုံးပြုကြလင့်ကစား  လက်မခံသူများလည်း ရှိပါသေးသည်။ “ ၇၈၆ မှာပါတဲ့ ဂဏန်းသုံးလုံးပေါင်းရင် ၇+၈+၆ =၂၁ ရလို့ ၂၁ရာစုကို ရည်ရွယ်တာ ” ဆိုသည့် စွပ်စွဲချက်ကြောင့် မွတ်စလင်များ ထပ်ဆင့်အံ့သြနေရပါသည်။ အဘယ်ကြောင့်ဆိုသော် အရဗီအက္ခရာ၏စုပေါင်းကိန်းအား ထိုကဲ့သို့ ထပ်ဆင့်ပြန်ပေါင်း၍ မရပါ။ အဓိပ္ပာယ်မဲ့သွား၍ ဖြစ်ပါသည်။
ဖော်ပြပါအယူအဆကို တင်ပြနေခြင်းမှာ အစ္စလာမ်ကိုမသိ၊ ကုရ်အာန်ကို မလေ့လာသောကြောင့်သာ ဖြစ်ပါမည်။
” ယှဉ်တွဲကိုးကိုယ်သူများ မနှစ်မြို့သော်ငြားလည်း  ထိုအရှင်မြတ်သည် မိမိ၏စေတမန်အား အလုံးစုံသော ၀ါဒလမ်းစဉ်များထက်ဝယ် ထင်ရှားပေါ်လွင်စေရန် တရားလမ်းညွှန်၊ လမ်းစဉ်မှန်တို့ဖြင့် စေလွှတ်ခဲ့လေပြီ “။ (ကုရ်အာန် – ၆၁း၉)
တရားလမ်းစဉ်တစ်ရပ်သည် အရာခပ်သိမ်းတို့အပေါ်ဝယ် ထင်ပေါ်စေခြင်း ဖြစ်ဖို့ရာ -
မွတ်စလင်ဗလီများကို ချောင်ကြိုချောင်ကြား၌ ပုန်းလျှိုးကွယ်လျှိုး မတည်ဆောက်ထားကြပါ။ မြို့လယ်ကောင်တွေမှာ ရှိတာများပါသည်။ မွတ်စလင်တို့သည် တစ်နေ့ (၅)ကြိမ် ၀တ်ပြုကြရပါသည်။ ဗလီထဲရောက်လျှင် မည်သူမဆို ကြိုက်ရာနေရာတွင် နေရာယူဝတ်ပြုနိုင်ပါသည်။ မည်သူ့ကိုမျှ ပုံသေနေရာပေးခြင်း နှင့် အဆင့်အတန်းခွဲခြားခြင်း မရှိသဖြင့် မည်သူမဆို မွတ်စလင်ယောင်ဆောင်ကာ အလွယ်တကူ  ၀င်ရောက်လေ့လာအဖြေရှာနိုင်ပါသည်။ အလဇ္ဇီရဟန်းတို့ စွပ်စွဲသလိုမျိုး အလျဉ်း မဟုတ်ကြောင်း အချိန်တိုအတွင်းမှာပင် အထင်းသားမြင်နိုင်ပါသည်။
၃။     ယခု ဖြစ်ပျက်ကြုံတွေ့နေရသော အဖြစ်အပျက်များ၏နောက်ကွယ်၌ လက်ရှိအာဏာပိုင်အချို့ ပါဝင်ပတ်သက်နေသည်ဟု တပည့်တော် ထင်မြင်ယူဆပါသဖြင့် ၊ တပည့်တော်၏ လုံခြုံရေးအတွက် နာမည်ရင်းကို မဖော်ပြနိုင်သည်ကို နားလည်ခွင့်လွှတ်ပေးပါ ဘုရား။ ယင်းသို့ ယူဆသုံးသပ်မိရသည့်အကြောင်းမှာ —-
ဂုဏ်လင်း